Zyrtari i Federatës së Futbollit të Kosovës, Artan Govori, ka folur për media pas raportimeve për një incident me kryetari e FFK-së, Agim Ademi.
FFK-ja doli me komunikatë duke theksuar se pati vetëm debat mes Ademit dhe Govorit, duke e mohuar një sulm fizik.
Artan Govori thotë se nuk ka pasur rrahje, por ishte një sulm i vogël, duke shtuar se Ademi ia ka vënë dorën në qafë.
“Nuk ka qenë sulm i madh. Rrahje nuk ka pasur. Nuk jam tip arrogant që mundem me u rreh me dikë”.
“Me tregu drejtën nuk ka qenë sulm i madh. Ka qene një sulm i vogël, por prapë është sulm që është dashur ta denoncoj në polici. Më kapi për fyti dhe ma vuri dorën në qaf, kam edhe një grithë".
"Nuk kishte debate, por arsyeja ishte që unë rri me njerëz që atij (Agim Ademit) nuk i pëlqejnë. Më dërgon foto që njerëzit e tij më fotografojnë. Unë kam pasur problem edhe para tri vitesh gjysmë, më ka denigruar në pozitë që atëherë, por unë e kam vazhduar punën”, ka thënë Govori për RTV Dukagjinin.
Gjatë intervistës së tij për mediat që ishin të pranishëm, ndërhyri kryetari i Dardanëve, Lulzim Berisha, duke i thënë të mos e gënjej opinionin. /Telegrafi/
