Arsenali shkon me të gjitha forcat për Nico Williams në ditët e fundit të afatit kalimtar

Sipas David Ornstein, Arsenali është shumë i interesuar për anësorin e Athletic Bilbaos, Nico Williams, me trajnerin Mikel Arteta një admirues të madh të lojtarit.

Megjithatë, Topçinjtë përballen me sfida të rëndësishme në përpjekjen e tyre për ta sjellë atë në Emiratet.

Pengesa e parë është konkurrenca intensive për nënshkrimin e Williams, me shumë klube që konkurrojnë për shërbimet e tij.

Pengesa e dytë e madhe janë kërkesat për paga të larta të lojtarit, të cilat pritet të rriten më tej nëse ai kalon në Ligën Premier.

Paga aktuale e Williams dhe rritja e pritshme e pagave mund të jenë një pengesë për Arsenalin, i cili do të duhet të peshojë implikimet financiare të nënshkrimit të anësorit të lakmuar.

Lexo po ashtu Kai Havertz më i mirë se Mbappe, Vinicius dhe Haaland në statistika

Pavarësisht këtyre sfidave, admirimi i Artetës për Williams sugjeron që Topçinjtë mund të vazhdojnë të bëjnë përpjekje për të siguruar një marrëveshje.

Trajneri spanjoll ka kërkuar nga bordi i Arsenalit që të shkojnë me të gjitha forcat për sensacionin spanjoll.

Në garë për Williamsin ishte edhe Barcelona, por që këta të fundit nuk kanë fuqi financiare për ta përmbushur këtë transferim. /Telegrafi/