Arsenali gati t’i shesë tre yje në janar  

Arsenali është i gatshëm të shesë tre yje të mëdhenj në afatin kalimtar të janarit, pasi nuk po rinovojnë kontratat dhe nuk duan t’i humbin me parametra zero.

Gjiganti londinez ka hasur në vështirësi për t’i blinduar futbollistët më të mirë të tyre, pasi ata po refuzojnë të qëndrojnë në Emirates.

Sipas mediumit britanik The Sun, Alexis Sanchez, Mesut Ozil dhe mesfushori Jack Wilshere mund të shiten të gjithë nëse Arsenali do të marrë oferta të përshtatshme për treshen.

Lexo po ashtu Barcelona arrin marrëveshje personale me Ozilin?

Të tre lojtarët kanë refuzuar të vënë stilolapsin në letër për të zgjatur kontratat e tyre aktuale që skadojnë në verën e ardhshme.

Topçinjtë janë të vendosur për të bërë një përpjekje të fundit të hendekut të fundit për të bindur Sanchezin dhe Ozilin për të ardhmen e tyre në Emirates.

Por, pavarësisht ofertave për rritje të konsiderueshme të pagave, të dy lojtarët duken të destinuar për largim me gjigantët evropianë të gatshëm të përfitojnë nga situata e këtyre dy yjeve.

Lexo po ashtu PSG prin në garën për shërbimet e Sanchezit

Wilshere, 25 vjeç, ka më shumë gjasa të mendojë për një marrëveshje të re nga të tre, por kërkon garanci se ai është pjesë e planeve të menaxherit Arsene Wenger.

Në anën tjetër, Ozil thuhet se ka marrëveshje verbale me Barcelonën, ndërsa Sanchez është afër njërës nga skuadrat, Manchester City dhe Paris Saint-Germain. /Telegrafi/