Arrestimi i Belerit, Dendias: Skandal nëse nuk ka prova të pakundërshtueshme, informova përfaqësuesit e BE-së

Ministri i Jashtëm grek Nikos Dendias ka reaguar sot pas arrestimit të kandidatit të koalicionit opozitar “Bashkë Fitojmë” për bashkinë Himarë, Fredi Beleri.

Dendias e ka bërë deklaratën nga Stokholmi ku do të mbahet takimi joformal “Gymnich” i Ministrave të Jashtëm të BE-së.

Lexo po ashtu Arrestimi i Fredi Belerit, reagon Sali Berisha: Hakmarrje e verbër politike e Edi Ramës

Kryediplomati grek shprehet se nëse arrestimi është bërë pa prova të pakontestueshme, rasti është skandal. Po ashtu, ai bën të ditur se ka vënë në dijeni BE-në për arrestimin e Belerit, më konkretisht përfaqësuesin e lartë të BE-së për politikën e Jashtme, Josep Borrell dhe ministrin e Jashtëm të Suedisë, Tobias Billstrom.

Lexo po ashtu Arrestimi i kandidatit të opozitës në Himarë, reagon Rama: I bëj thirrje të gjithëve të mos nxitohen me konkluzione politike

“Arrestimi, dy ditë para zgjedhjeve, i anëtarit të minoritetit grek, Fredis Beleris, kandidat për kryetar të Bashkisë Himarë në Shqipëri, si dhe të një tjetër greku, është skandal nëse nuk ka prova të pakundërshtueshme. E kam informuar përfaqësuesin e lartë të BE-së, Josep Borrell për rastin si dhe ministrin e Jashtëm të Suedisë, Tobias Billstrom, i cili mban Presidencën e BE”, tha Nikos Dendias në Twitter. /Telegrafi/

Η σύλληψη, δύο ημέρες πριν από τις εκλογές, του μέλους της Ελληνικής Μειονότητας, Φρέντη Μπελέρη, υποψήφιου Δημάρχου στη Χειμάρρα της Αλβανίας, όπως και ενός ακόμη Έλληνα, συνιστά σκάνδαλο αν δεν υπάρχουν αδιάσειστα στοιχεία.

Ενημέρωσα γι’ αυτό, ήδη, τον Ύπατο Εκπρόσωπο της ΕΕ… pic.twitter.com/T4dhEB6FIt

— Nikos Dendias (@NikosDendias) May 12, 2023