Armend Thaqi nënshkruan me Prishtinën

Prishtina nuk ka të ndalur. Pas transferimit të Isuf Llumnicës dhe Flamur Shalës, ata i kanë përforcuar radhët e veta me 21-vjeçarin, Armend Thaqi, i cili ka nënshkruar kontratë trevjeçare me bardhekaltërit.

Thaqi ka qenë futbollist i Hajvalisë në stinorin pranveror. Ai është i lindur në Prishtinë dhe luan si mbrojtës i krahut të djathtë. Ai më parë ka luajtur edhe për skuadrën e KEK-ut. Gjithashtu mbrojtësi i talentuar është edhe anëtar i përfaqësueses së Kosovës U21, ndërsa ka luajtur edhe në turnirin e fundit në Zvicër.

“Megjithë ofertat nga klube të ndryshme si në Kosovë e po ashtu edhe në Shqipëri, kur erdhi oferta nga Prishtina si klub i madh nuk kam hezituar ta pranoj”, është prononcuar për angazhimin në skuadrën e tij të re, mbrojtësi i djathtë, Armend Thaqi, transmeton faqja zyrtare e klubit.

Ekipi i Prishtinës që nga dita e hënë, për një javë janë në pushim, pastaj nga dita e hënë vazhdohet normalisht me stërvitje deri me katër korrik kur udhëtohet në Zvicër në dy ndeshje ndërkombëtare miqësore. Në Zvicër skuadra qëndron katër ditë, pas kthimit sërish do të jetë pushim i shkurtët pastaj skuadra fillon përgatitjet për kampionatin e ri. /Telegrafi/