Arabia Saudite tundon Ramosin, Modricin dhe Benzeman: Dy vjet, 60 milionë euro neto dhe pa taksa

Arabia Saudite ka kontaktuar përfaqësuesit e Sergio Ramos, Luka Modric dhe Karim Benzema për t’u ofruar atyre mundësinë për të përfunduar karrierën e tyre në ligën e Gjirit Persik. Siç raporton El Mundo, përfaqësuesit zyrtarë të vendit kanë dërguar javët e fundit një propozim paraprak që konsiston në një kontratë dy sezonesh me një mesatare prej 30 milionë euro (60 milionë në total) neto për secilin prej tyre.

Afrimi me lojtarin e Paris Saint Germain dhe futbollistët e Real Madridit është bërë me telefon dhe palët kanë rënë dakord të vazhdojnë bisedimet së shpejti. Oferta është bërë nga qeveria saudite, e cila i lë të hapur mundësinë futbollistëve që më vonë të zgjedhin klubin që preferojnë nga liga arabe.

Afrimi i Arabisë Saudite me Ramos, Modric dhe Benzema është pjesë e përpjekjes së fundit të vendit për të forcuar ligën e saj, e cila ka 16 ekipe, me yje të mëdhenj evropianë. Kjo strategji ka pasur si eksponentin e saj më të madh nënshkrimin e Cristiano Ronaldos nga Al-Nassr, një klub historik vendas që ka nëntë tituj ligë, gjashtë të Kupës së Mbretit dhe tre Kupa të Princit të Kurorës.

Lexo po ashtu Raportohet se kontrata e Ronaldos te Al Nassr ka ndryshuar

Në rastin e lojtarit portugez, paga neto e rënë dakord për dy sezonet e ardhshme shkon në më shumë se 70 milionë euro neto pa llogaritur të drejtat e imazhit që çojnë shifrën në 200 milionë euro në vit.

Burime zyrtare nga Federata Saudite e Futbollit pranojnë për këtë gazetë se synimi është që nënshkrimet e mëdha të shërbejnë si joshje për lojtarët dhe trajnerët e tjerë në ligat kryesore evropiane. Meqenëse liga ka tashmë 128 lojtarë ndërkombëtarë nga pesëdhjetë vende.

Lexo po ashtu Dyshja e Real Madridit mund t'i bashkohen Ronaldos në verë te Al Nassr

“Për të pasur një ligë të fortë, na duhen emra të mëdhenj”, pranon për El Mundo një zyrtar i federatës, i cili edhe pse konfirmon interesimin për inkorporimin e figurave të reja, nuk pranon të flasë për emra konkretë. Sigurisht, kjo hap derën që nënshkrimet të shtrihen edhe tek drejtuesit nga ligat e mëdha pas nënshkrimit të Garry Cook , i cili ishte drejtor i Nike dhe drejtor ekzekutiv i Manchester Cityt.

Afrimi me Ramos, i cili është 36 vjeç, ndodh pak muaj pas përfundimit të kontratës së tij me PSG-në, e cila skadon në qershor të këtij viti dhe është ende në pritje për të zbuluar nëse klubi parisien ka ndërmend ta rinovojë atë. Rastet e Modric dhe Benzema janë shumë të ngjashme, pasi në moshën 36 dhe 35 vjeç, respektivisht, kanë kontratë deri në qershor të këtij viti, duke ndjekur politikën e Real Madridit për të rinovuar vit pas viti yjet më të vjetër. /Telegrafi/