Apple i padrejtë në Francë

Rënia e qarkullimit të kompanisë eBizcuss, shitësit më të madhe të produkteve të Apple në Francë, ishte 30% për një arsye të thjeshtë – nuk kanë çfarë ti shesin blerësve. Në të vërtetë, kërkesa është e madhe, eBizcuss pohon se Apple nuk po iu jap MacBook Air, iPad 2, e as iPhone 4S, por ato pajisje po i deponon për vete dhe po i ruan për shitje në shitoret e veta.

Njëkohësisht blerësve të mëdhenj u japin lirime të mëdha, të cilat eBizcuss nuk mund të ofroj. Në të vërtetë, sipas pohimeve të shefit të Bizcuss, Apple kompanive të mëdha ua shet produktet e veta me çmimin më të ulët se ai me të cilin ia shesin eBizcuss për shitje të mëtutjeshme. Apple gjithashtu nga eBizcuss kërkon që të shesin produktet e tyre në vlerën prej 6.5 milion dollarë, që është shumë të cilën ata nuk mund ta arrijnë për shkak të rënies së shitjes.

Për shkak të gjithë kësaj eBizcuss ka paditur Apple. Një padi të ngjashme e kanë bërë në vitin 2005 kompanitë nga Kalifornia, pak kohë pasi që Apple hapi shitoret e shitjes me pakicë në Kaliforni. /Telegrafi/