Aplikacionet më të mira të vitit në Android

Është fundi i vitit, që do të thotë se është koha të shohim mbrapa për aplikacionet më të mira mobile në Android që janë lansuar në vitin 2015.

Ky ishte një vit i mirë për sistemin operativ mobil Google në telefonin tuaj, sepse pamë një numër të madh të zhvilluesve të cilët kanë sjellë disa gjëra të pabesueshme.

Në listën e aplikacioneve që Google i ka zgjedhur si më të mirat në platformën e saj janë tri aplikacione që janë falas për tu shkarkuar nga përdoruesit.

Truemessenger është një aplikacion i mesazheve që i identifikon numrat e panjohur dhe i bllokon mesazhet spam. Madje e ofron edhe opsionin Undo për mesazhe, në rast se ju keni gabuar dhe dëshironi ta ktheni prapa mesazhin e nisur.

Facebook Hello është në vendin e dytë, dhe nëse nuk e keni ditur, aplikacioni Hello shfaq profilin e thirrësit të cilin e nxjerr nga rrjeti social. Nëse personi që ju thërret në telefon e ka ditëlindjen, ju mund ta kuptoni këtë fakt përmes aplikacionit. Dhe natyrisht se aplikacioni lidhet me Facebook Messenger për të realizuar thirrje pa pagesë.

Në vendin e tretë është Google Now Launcher, i cili ua sjell versionin origjinal të Android në telefon, duke e bërë atë të duket sikurse një Nexus ose Motorola, dhe ofron përvojën unike të Android në telefonin tuaj.

Aplikacionet tjera në këtë listë përfshijnë edhe opsione të tjera si më poshtë:

1. Pintasking
2. Native Clipbboard
3. Microsoft Word, Excel, Poëerpoint
4. Adobe Photoshop Lightroom and Premiere Clip
5. IFFT DO
6. Periscope
7. Layout and Boomerang by Instagram
8. Apple Music