Antonio Conte i interesuar që të bëhet trajner i Newcastles

Marrja nën pronësi e Newcastle United nga Arabia Saudite përfundoi të enjten dhe thashethemet po qarkullojnë se kush do të jetë emërimi i tyre i parë në krye të skuadrës.

Steve Bruce është trajneri aktual, por duket se është vetëm një çështje “kur” dhe jo “nëse” ai zëvendësohet.

Antonio Conte ka qenë një nga emrat e lidhur me punën, dhe Chronicle raporton se italiani është i hapur për një rikthim në Ligën Premier.

Lexo po ashtu E shiti Newcastlen për 358 milionë – Mikel Ashley kaloi pesë orë duke pirë dhe la bakshish pesë euro

Besohet se ish-strategu i Chelseat do dëshironte të kishte të gjitha gjërat në duart e tij sa i përket ndërtimit të skuadrës, nëse ai merr punën – pas një përvoje të hidhur te Interi, ku ai u largua pas një mosmarrëveshjeje në lidhje me shitjet e Achraf Hakimit dhe Romelu Lukakut në Paris Saint Germain, respektivisht te Chelsea.

Me Conten që ra dakord të mos merrte një punë tjetër në Itali në vitin 2022 pas largimit të tij nga Giuseppe Meazzaa, kjo i ka shtuar më tej shanset e tij për të kaluar në Tyneside.

Lexo po ashtu Lista me lojtarët që Newcastle synon t’i transferojë – në mesin e tyre edhe top yje

Një nga pengesat e mëdha për të emëruar Conten është fakti se atij i pëlqen të marrë punën në fillim të një sezoni të ri, ndërsa Magpies thuhet se po presin një takim në mes të sezonit për të zëvendësuar Brucen qysh në janar.

Një mori emrash janë lidhur me rolin, dhe ndër këta përfshihen: Eddie Howe, Frank Lampard, Steven Gerrard dhe Graham Potter.

Një vendim për të ardhmen e Bruce mund të merret javën e ardhshme dhe është e pasigurt nëse ish -trajneri i Birmingham, Wigan dhe Sunderland do të jetë ende në krye të shtunën e ardhshme për vizitën e Tottenham Hotspur në St James ‘Park. Nëse ai vazhdon punën e tij, atëherë do të jetë loja e tij e 1000-të si trajner. /Telegrafi/