Anthony Joshua vs Kubrat Pulev: Koha e fillimit të meçit, transmetimi drejtpërdrejtë, rekordet e boksierëve dhe titujt në lojë

Boksi kthehet me një shfaqje të madhe për të gjithë adhuruesit e këtij sporti, ku të shtunën në mbrëmje, Anthony Joshua do të ndeshet me Kubrat Pulev, një ndeshje të madhe e peshave të rënda.

Telegrafi ua sjell të gjitha ato që duhet t’i dini para këtij meçi të madh të boksit.

Ku dhe kur zhvillohet meçi Anthony Joshua vs Kubrat Pulev?

Lufta është planifikuar të zhvillohet të shtunën, 12 dhjetor pas orës 23:00, në Wembley Arena.

Fillimisht ishte planifikuar për në 20 qershor, por pandemia e coronavirusit prishi planet.

Në cilin kanal mund të shikoni meçin?

Joshua vs Pulev do të shfaqet drejtpërdrejt në Sky Sports Box Office.

Çmimi për ta shikuar është 24,95 funte (27.22 euro) që është më shumë se zakonisht për ngjarjet me PPV.

Meçin mund ta shikoni nga aplikacioni i Sky Sports Box Office, në celular ose tabletë.

Rekordet e boksierëve

Dy boksierët kanë diferencë në moshë, pasi Joshua është 31 vjeç, ndërsa Pulev ka 39.

Britaniku ka zhvilluar deri më tani 24 meçe, ku ka 23 fitore dhe një humbje, ndërsa 21 prej tyre i ka mbyllur me nokaut.

Në anën tjetër bullgari ka 29 meçe të zhvilluara, prej tyre 28 fitore dhe një humbje. Ai 14 meçe i ka mbyllur me nokaut.

Për çfarë luhet?

Joshua do të mbrojë titujt e tij të peshave të rënda botërore WBA, WBO dhe IBF kundër bullgarit, me të cilin ishte planifikuar të takohej për herë të parë para tre vjetëve.

/Telegrafi/