Anonimët nga Izraeli i japin leksion Interit (Video)

Gjiganti italian, Inter, ka pësuar humbje në shtëpi nga Hapoel Beer Sheva me rezultat 2-0.

Inter nuk ka arritur të nis me fitore fazën e grupeve të Ligës së Evropës, pasi janë mposhtur në shtëpi nga izraelitët e Hapoel Beer Sheva me rezultat 2-0.

Trajneri holandez, Frank De Boer kishte hyrë në këtë takim me një formacion të ndryshëm nga ai i fitores të fundjavës dhe doli të jetë i gabueshëm.

Pjesa e parë e takimit ishte e barabartë me të dy skuadrat, të cilët rrezikon kohë pas kohe, por nuk gjetën asnjëherë rrugën e golit.

Në pjesën e dytë, De Boer u mundua të bëjë disa ndryshime për të rritur tempin e lojës, por as këto nuk dolën të jenë të qëlluara, pasi mysafirët ishin shumë të vendosur.

Luhej minuta e 54-të e takimit, kur mysafirët nga Izraeli befasuan skuadrën italiane, me anë të një skeme të stërvitur e cila përfundoi me gol nga Miguel Vitor.

Hapoel Beer Sheva gjeti edhe golin e dytë në këtë takim me anë të mesfushorit-sulmues, Maor Buzaglo, i cili shënoi një supergol nga goditja e dënimit në minutën e 69-të.

Pas këtij goli të dytë, De Boer futi në lojë sulmuesin kryesor, Mauro Icardi, por as ky nuk arriti të bëjë asgjë.

Deri në fund, pati edhe disa raste nga të dyja skuadrat, por portat metën të paprekura dhe kështu Hapoel Beer Sheva arriti të marrë një fitore të madhe dhe historike ndaj Interit. /Telegrafi/

https://www.dailymotion.com/video/x4td416_miguel-vitor-goal-inter-0-1-hapoel-bs-el-15-9-2016_sport