Angelina Joliet dhe Brad Pittit i është ofruar një shumë marramendëse për të bërë një film së bashku

Angelina Joliet dhe Brad Pittit i janë ofruar një shumë marramendëse nëse i lënë mënjanë mosmarrëveshjet dhe bëjnë një film të ri së bashku.

Producenti Danny Rossner pretendon se është serioz në lidhje me ofertën e tij dhe ka mbledhur rreth 60 milionë euro.

Ai shpreson se kjo shifër do ta ‘detyrojë’ ish-çiftin të lënë anash të gjitha problemet dhe të kenë një marrëveshje.

Kjo nuk do të jetë një detyrë e lehtë. Dëshmia e përçarjes së tyre ishte evidente në shtator të këtij viti, kur organizatorët e Festivalit të Filmit në Venecia duhej të rregullonin që filmat e tyre të shfaqeshin në ditë të ndryshme.

“Nuk ka asnjë mënyrë që ata të takohen në Lido”, tha drejtori artistik i Festivalit të Filmit në Venecia, Alberto Barbera për Vanity Fair.

Lexo po ashtu Të gjitha lajmet nga Angelina Jolie

Rossner zbuloi përmbajtjen e filmit në të cilin dëshiron që Angelina dhe Brad të luajnë. Është një histori dashurie e vendosur në Hotel Martinez në Kanë.

Brad do të luante Emmanuel Martinez, pronarin e hotelit dhe Angelina të dashurën e tij, Emma Digard.

“Ka një skenë dashurie, e cila është gjithashtu e turbullt. Martinez kishte një grua, por edhe një dashnore”, tha ai ndër të tjerash. /Telegrafi/