Anders Breivik mbetet prapa grilave, vrasësit masiv i refuzohet kërkesa për lirim me kusht

Vrasësit masiv Anders Breivik i është refuzuar kërkesa për lirim me kusht. Gjykata norvegjeze sot ka marrë vendimin që Breivik që vrau 77 persona vite më parë, duhet të qëndrojë në burg, shkruan Sky News.

42-vjeçari pretendonte se ka heq dorë nga dhuna, duke kërkuar lirim me kusht dhjetë vite pasi u dënua me 21 vite burgim, që mund t’i zgjatet nëse vlerësohet se është i rrezikshëm për rrethin, transmeton Telegrafi.

Kujtojmë që gjatë 22 korrikut të vitit 2011, ekstremisti i të djathtës kishte aktivizuar një bombë në afërsi të ndërtesës së qeverisë në Oslo, duke mbytur tetë persona më pas edhe 69 tjerë – kryesisht të rinj – duke shtënë me armë zjarr në një kamp veror në ishullin Utoia.

E disa javë më parë ka deklaruar se ka hequr dorë nga dhuna dhe se do të vazhdojë të luftojë për idetë neonaziste, por rrugëve paqësore.

Në një manifest të publikuar para sulmit të vitit 2011, Breivik kishte pranuar publikisht se gjykimin do ta shfrytëzojë si platformë për përhapjen e ideologjisë së tij. /Telegrafi/