Ancelotti: Sporti të shkatërron, nuk është i mirë për shëndetin

Carlo Ancelotti ka theksuar se futbolli i ka shkaktuar shumë dhimbje dhe e ka shkatërruar me ato 20 vite sa ka qenë futbollist.

Trajneri italian i Bayern Munichut ka dhënë një intervistë për revistën gjermane ‘Kicker’, ku është treguar shumë i ashpër me deklaratat e tij, duke theksuar se sporti nuk të bën mirë për shëndetin, por vetëm se te shkatërron.

Lexo po ashtu Ancelotti: Shpresoj të qëndroj edhe 10 apo 20 vite te Bayerni

“Nëse më thotë dikush sot se sporti të bën mirë për shëndetin, atëherë e siguroj se nuk është e vërtetë”, ka thënë fillimisht Ancelotti për Kicker.

“Kam luajtur për plot 20 vite si futbollist profesionist, por sot nuk vrapoj dot, gjunjët i kam të mbaruar dhe më dhemb shpina”, përcjell Telegrafi.

Lexo po ashtu Ancelotti tregon një skandal të madh gjatë kohës së tij te Reali

“Nuk jam një trajner i cili i vret lojtarët e tij me stërvitje të shumta. Në Spanjë e kanë një thënie: “shumë ujë vret bimën’. Kështu është edhe me stërvitjen”.

“Unë përpiqem që lojtarët të luajnë sa më shumë me topin, gjashtë apo shtatë mijë metra të kaluara për mua janë të mjaftueshme”, përfundoi trajneri italian. /Telegrafi/