Ancelotti: Sigurisht që Mbappe dhe Haaland duan të luajnë për Real Madridin

Trajneri i Real Madridit, Carlo Ancelotti, ka folur hapur për nënshkrimin e dy sulmuesve të mëdhenj botëror, Kylian Mbappe dhe Erling Haaland.

Sulmuesi i Paris Saint-Germain, Mbappe, pa kontratë në qershor dhe ylli i Borussia Dortmundit, Haaland, janë lidhur të dy me Real Madridin.

Për mundësinë e transferimit të këtyre dy yjeve ka folur edhe trajneri i Los Blancos, Ancelotti.

Lexo po ashtu Mbappe: Mund të ndodhin gjëra që të ndryshojnë mendje

I pyetur nga gazeta spanjolle AS nëse beson se të dy sulmuesit do të donin të luanin për Realin, Ancelotti pohoi një gjë të tillë.

“Sigurisht që po, por e ardhmja e kësaj skuadre tashmë është shkruar”, ka thënë fillimisht Ancelotti për AS.

“Nuk e di se çfarë do të bëjnë lojtarët… dhe shpresoj se trajneri është i njëjtë me atë që është sot”.

View this post on Instagram

A post shared by Telegrafi Sport (@telegrafisport)

“Por, është e njëjta gjë, sepse e ardhmja e Real Madridit është shkruar tashmë me ekipin aktual dhe me të rinjtë e tjerë që do të vijnë”.

“Nuk ka dyshim se Real Madridi do të konkurrojë në krye për një kohë të gjatë”, përfundoi trajneri italian. /Telegrafi/