Marco Asensio ende nuk e ka të qartë të ardhmen e tij, nëse do të qëndroj te Real Madridi apo do të largohet.
Sulmuesi spanjoll nuk është në planet e Los Blancos dhe i është kërkuar të gjej një skuadër të re, por deri më tani një gjë e tillë nuk ka ndodhur.
Trajneri i Real Madridit, Carlo Ancelotti ka folur për të ardhmen e sulmuesit, duke thënë se nëse ai qëndron do të ishte i lumtur, por nëse largohet nuk do të vijë asnjë futbollist për ta zëvendësuar atë.
"Unë nuk di asgjë të re për Asension, vetëm se ai është duke vlerësuar situatën e tij. Më 2 shtator gjithçka do të sqarohet dhe nëse ai qëndron do të jetë një lojtar i rëndësishëm dhe do të jem i kënaqur sepse vitin e kaluar ai kontribuoi shumë".
"Nëse Marco largohet ne nuk do të nënshkruajmë me askënd sepse nuk kemi nevojë për sulmues të ri", deklaroi Ancelotti.
Manchester United dhe Arsenal janë dy skuadrat që kanë shprehur interesim për sulmuesin anësorë.
Real Madrid është gati ta shes yllin e skuadrës dhe po kërkon 30 milionë euro për ta lënë të lirë. /Telegrafi/
