Kuvendi i Kosovës ka nisur sot debat parlamentar për zhvillimet në kuadër të dialogut ndërmjet Kosovës dhe Serbisë. Kryeministri i Kosovës, Albin Kurti, tha se diplomatët perëndimorë e kanë paralajmëruar atë në muajin janar se çfarëdo refuzimi i propozimit evropian për normalizimin e marrëdhënieve me Serbinë, do të shoqërohej me hapa ndëshkues për Kosovën.
Analistët në RTV Dukagjini kanë komentuar përplasjet pozitë opozitë në Kuvendin e Kosovës dhe pozicionet që kanë palët në dialog.
Ata mendojnë se është problematike që tashmë Kosova është në një pozicion “merre ose leje” propozimin evropian për marrëveshjen finale, derisa ka pak mundësi për të ndryshuar gjërat.
Analisti Ylli Hoxha, ka thënë se në debatin parlamentar për zhvillimet në kuadër të dialogut Kosovë-Serbi, është qartësuar se ekziston plani i implementimit të marrëveshjes.
“Sot u qartësuan dy gjëra: që ekziston plani i implementimit të marrëveshjes dhe pos kësaj ekziston plani i zbatimit, dhe brenda këtij plani së paku një pikë është që të zbatohet, të krijohet statuti i Asociacionit. Këto dy të reja dolën nga Kurti”, ka thënë Hoxha.
Sipas tij, për planin e zbatimit Kurti thotë se është i negociueshëm por brenga e Hoxhës është që efekti negociator është minimal.
“Do të jetë aq i madh sa ka qenë në dokumentin bazë, i cili ka ndryshuar shumë pak”, deklaroi Hoxha.
Ish-ministri Dardan Gashi thotë se opozita është paqartë në lidhje me dialogun Kosovë-Serbi.
Sipas tij ata deri më tani nuk kanë pasur ndonjë qëndrim pro apo kundër në lidhje me Asociacionin.
“Opozita duhet të ketë një qëndrim në raport me Asocacionin. Ose je pro ose je kundër. Me sa duket janë zgjuar vonë për të sfiduar kryeministrin në këtë temë. Nëse deri tash e kanë kundërshtua kryeministrin pse nuk po e pranon Asociacionin, qysh sot e kritikojnë qysh ai po e pranon”.
Analisti Astrit Gashi thotë se Kurti nuk i bën fare hesap opozitën në raport me dialogun.
“Pse ndodh kjo është se te dy partitë e mëdha opozitare kanë ndryshuar qëndrime në lidhje me dialogun. LDK dhe PDK gabimisht e kanë mbështetur Kurtin në çdo veprim që ka marrë gjatë katër muajve të fundit. Kurti dërgo trupat në veri, këta mbështet, për targat poashtu. Nuk ka pasur nevojë që opozita të jetë makineri i LVV-së, e tash ta kundërshtojnë atë”.
Analisti Dibran Hoxha thotë se marrëveshja me Serbinë nuk do të ketë ndonjë efekt në jetën e qytetarëve.
“Ne duhet ta dimë a ka ndryshuar marrëveshja diçka në përmbajte. Nëse kemi arritur ne në atë pikë kur marrëveshjen duhet ta “marrim apo lemë”, ne duhet ta dimë çka na gjen nëse e lemë. Asgjë nuk na gjen. Nuk kemi viza e asgjë. Nuk humbim asgjë…Nëse nuk ka njohje, refuzoje këtë plan”.
Analisti Visar Ymeri ka thënë se kryeministri i Kosovës, Albin Kurti, po mashtron me vetëdije për dialogun.
Ai thotë se plani franko-gjerman është produkt i negocimit të Kurtit.
“Deri mbrëmë na thoshte plani franko-gjerman është i negociueshëm. Na ka mashtruar, Kurti po i ndryshon qëndrimet, por problemi është se po mashtron me vetëdije. Nëse e shohim javën e kaluar në kuvend dhe sot, e kam vërejt një gjë interesant sa herë që Kurti ndihet në siklet për shkak të argumenteve që nuk mundet t’i ballafaqojë i bën dy gjëra, në njërën anë i vendos disa mashtrime të tilla sa të kalojë debatin dhe në anën tjetër egërsohet në sulmin ndaj opozitës… Sot Kurti e pranoi një gjë interesante që plani franko-gjerman është një rrjedhojë e një negocimi që e ka bërë vet ai. Nuk është plani franko-gjerman që e kanë sjellë menjëherë pa folur me palët dhe kanë thënë se duhet ta pranoni gjithqysh”, shtoi Ymeri./Telegrafi/
Lufta Prigozhin - Putin
Më shumë“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
A do të jetë Kosova vendi i parë në botë me shumicë myslimane që do të mundësojë martesat e së njëjtës gjini, Martens: Me sa duket po
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjenden pa shenja jete dy persona, njëri në Fushë Kosovë e tjetri në Prishtinë
Von Cramon: Nuk ekziston më arsyeja për masat kufizuese të BE-së ndaj Kosovës
Osmani për fjalimin e saj në KS të OKB-së: E kemi thënë të vërtetën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre