Është zyrtarizuar tashmë edhe data dhe vendi ku do të zhvillohet Superkupa e Evropës në mes të fituesit të Ligës së Kampionëve dhe Ligës së Evropës.
Drejtuesit e UEFA-s gjatë ditës së sotme (e mërkurë) mori vendim për vazhdimin e Ligës së Kampionëve dhe Ligës së Evropës, teksa zyrtarizoi edhe datat.
Përveç kësaj, UEFA zyrtarizoi edhe datën e Superkupës së Evropës, e cila zhvillohet në mes të fituesve të dy garave kryesore evropiane.
Kështu, Superkupa e Evropës do të luhet në Budapest të Hungarisë me datë 24 shtator.
Ndryshe, Superkupa e Evropës në sezonin e fundit u fitua nga Liverpooli.
Reds si fitues të Ligës së Kampionëve mposhtën fituesin e Ligës së Evropës, Chelsean, me rezultat 5-4 në penallti, pasi loja e rregullt u mbyll 2-2. /Telegrafi/