Sekuestrohen mbi 3 mijë euro false në Fushë-Kosovë, arrestohet një i dyshuar

Policia ka sekuestruar 3400 euro në Fushë Kosovë, të cilat dyshohet se janë falsifikuar.

Lidhur me rastin, policia ka arrestuar një të dyshuar.

"Rr. Nëna Terezë, Fushë Kosovë 31.05.2024 – 01:20. Është arrestuar i dyshuari mashkull kosovar, pasi që gjatë kontrollimit janë gjetur dhe sekuestruar 34 (tridhjetë e katër) kartëmonedha nga 100€ -gjithsejtë 3400€, te cilat dyshohet se janë të falsifikuar", bëhet e ditur në njoftim.

Pas intervistimit me vendim të prokurorit kujdestar, i dyshuari është dërguar në mbajtje./Telegrafi/