10/01/2021
Paris Saint-Germain është i vendosur që Neymar të rinovojë sa më parë kontratën.
Ylli brazilian duket se e ka qartësuar të ardhmen e tij dhe nuk e ka ndërmend të largohet nga Parku i Princave.
Edhe pse Barcelona kishte tentuar disa herë rikthimin e tij në Camp Nou, duket se tani operacioni është edhe mi i vështirë.
Lionel Messi lidhet me një kalim te PSG dhe Neymari mund të rinovojë kontratën më kampionin nga Ligue 1, raporton Telefoot.
Kontrata aktuale e sulmuesit brazilian skadon në vitin 2022, andaj skuadra franceze nuk dëshiron të rrezikojë më shumë.
PSG është duke punuar edhe në kontratën e Kylian Mbappes, mirëpo duket si e vështirë, pasi lojtari po kërkohet nga Real Madridi dhe Liverpooli. /Telegrafi/