Amber Heard shfaqet për herë të parë në publik që nga humbja e gjyqit kundrejt Johnny Deppit

Amber Heard u pa shumë e lumtur në ngjarjen e saj të parë të madhe që nga humbja e gjyqit për shpifje kundër ish-bashkëshortit, Johnny Depp.

Ylli i “Aquaman”, 37 vjeçe, u shfaq në Festivalin e Filmit Taormina në Itali të premten, një ditë para premierës së filmit të saj të ri, “In the Fire”.

Heard dukej rrezatuese ndërsa buzëqeshte dhe bisedonte me miqtë, kastin dhe anëtarët e ekipit.

Aktorja u fotografua e veshur me një bluzë të bardhë dhe një fund të ngjashëm për këtë ngjarje.

Lexo po ashtu Të gjitha lajmet nga Amber Heard

Ajo e ka kompletuar ‘look’-un me një palë taka të zeza dhe ka lënë flokët kaçurrele të lirshme.

Heard eci në tapetin e kuq për premierën e “In the Fire” të shtunën mbrëma së bashku me Eduardo Noriego dhe regjisorin e filmit, Conor Allyn.

Dalja e fundit e Heard vjen më shumë se një vit pasi avokatët e Depp dëshmuan se ajo ka shpifur në një artikull të Washington Post të vitit 2018 për dhunën seksuale.

60-vjeçari e paditi aktoren për 50 milionë dollarë në vitin 2019, duke pretenduar se ajo gënjeu se ai e kishte abuzuar me të për të marrë më shumë para për zgjidhjen e tyre të divorcit.

Heard u urdhërua t’i paguante yllit të “Pirates of the Caribbean” 10 milionë dollarë si dëmshpërblim dhe 350 mijë dollarë të tjera. /Telegrafi/