Amanatidis: Maqedonia të heq dorë nga politika iredentiste

Zv. ministri i jashtëm grek, Yannis Amanatidis u është përgjigjur disa pyetjeve të deputetëve grep, rreth marrëdhënieve me Maqedoninë, përcjell Telegrafi Maqedoni.

Amanatidis ua bëri me dije deputetëve grek se nuk ka asnjë ndryshim rreth mosnjohjes së pasaportave të Maqedonisë, nga ana e autoriteteve greke. Ai theksoi se që nga 2009-ta, shtetasit e Maqedonisë nuk kanë nevojë për vizë në Schengen, kështu që vula kufitare vendoset në një listë të veçantë, e jo në pasaportë dhe se kjo praktikë nuk ka ndryshuar.

Zv. ministri Amanadatidis gjithashtu tha se masat për ndërtimin e besimit në mes të dy vendeve nuk mund të ndryshojnë ndonjë praktikë në lidhje me dokumentet e udhëtimit të Maqedonisë.

Duke u përgjigjur në pyetjet e deputetëve të Agimit të artë, Amanatidis tha se në Maqedoni nuk ka ende kushte për t’u arritur një pajtim thelbësor me Greqinë, për çështjen e emrit, ndërkaq thekson se dallimet politike të të dy vendeve mund të tejkalohen vetëm nëse Maqdonia heq dorë nga politika iredentiste./Telegrafi/