Alketa Vejsiu shkëlqen në “Sanremo 2020”, prezantuesja shqiptare i bën krenarë bashkëkombësit me paraqitjen e saj

Ka filluar zyrtarisht nata e dytë e festivalit më të vjetër në Evropë, “Sanremo 2020”.

Ky festival, nga i cili ka marrë frymëzim për t’u realizuar festivali më i madh muzikor i shteteve në Evropë, “Eurovisioni”, ka sjell këtë vit këngë të ndryshme nga këngëtarë të njohur italianë në skenën e tij.

Më i veçantë për shqiptarët që e kanë ndjekur ndër vite këtë festival, sivjet është fakti që në skenën e tij për të prezantuar është ngjitur për herë të parë në histori një prezantuese shqiptare.

Moderatorja e njohur Alketa Vejsiu, ka qenë njëra ndër prezantueset e natës së dytë, e cila plot krenari është shfaqur në skenën e “Sanremos” e veshur me një fustan ngjyrë rozë tejet elegant.

Ajo ka prezantuar përkrah organizatorit të festivalit, Amadeus, teksa po në të njëjtën natë është ngjitur në skenë për të prezantuar edhe partnerja e futbollistit me famë botërore, Cristiano Ronaldo, Georgina Rodriguez.

Faqja zyrtare e “Sanremo 2020” në rrjetin social Instagram publikoi një video të shkurtër të momenti të hyrjes së prezantueses shqiptare në skenë.

https://www.instagram.com/p/B8PYlVXDb58/

“Mirësevini në Sanremo 2020”, shkruan ata në mbishkrimin e kësaj videoje.

Ndërkohë edhe vet Alketa përndryshe ndau me ndjekësit e saj në rrjetet sociale disa imazhe nga paraqitja e saj glamuroze në këtë ngjarje, e cila për të është ndër më të rëndësishmet në karrierën e saj.

https://www.instagram.com/p/B8PYNnTHUek/

Përndryshe, fituesi i “Sanremo 2020” do të jetë ai që do të përfaqësojë Italinë në “Eurovision 2020” që mbahet në muajin maj, këtë vit në Rotterdam të Holandës.

Lexo po ashtu Hidhet shorti për "Eurovision 2020": Shqipëria garon e fundit nga të gjitha shtetet në natën e dytë gjysmë-finale

Kjo është lista me artistët dhe këngët italiane që garojnë në “Sanremo” këtë vit, me shpresën për të fituar biletën drejt “Eurovisionit”:

1. Francesco Gabbani – Viceversa
2. Le Vibrazioni – Dov’è
3. Piero Pelù – Gigante
4. Pinguini tattici nucleari – Ringo Starr
5. Elodie – Andromeda
6. Diodato – Fai rumore
7. Irene Grandi – Finalmente io
8. Tosca – Ho amato tutto
9. Michele Zarrillo – Nell’estasi o nel fango
10. Levante – Tikibombom
11. Marco Masini – Il confronto
12. Alberto Urso – Il sole ad est
13. Giordana Angi – Come mia madre
14. Raphael Gualazzi – Carioca
15. Anastasio – Rosso di rabbia
16. Paolo Jannacci – Voglio parlarti adesso
17. Achille Lauro – Me ne frego
18. Enrico Nigiotti – Baciami adesso
19. Rita Pavone – Niente (Resilienza 74)
20. Riki – Lo sappiamo entrambi
21. Elettra Lamborghini – Musica (e il resto scompare)
22. Rancore – Eden
23. Bugo e Morgan – Sincero
24. Junior Cally – No grazie. /Telegrafi/

Pamje tjera nga paraqitja glamuroze e Alketa Vejsiut në “Sanremo 2020”: