Aleati i Putinit u gjet i vdekur në një shtëpi fshati afër Moskës – ka disa hipoteza rreth ngjarjes

Zyrtari i lartë rus, i dyshuar se kishte lidhje të ngushta financiare me Vladimir Putinin, u gjet i vdekur mbrëmjen e së martës.

Trupi i Konstantin Zavizenov u gjet nga djali i tij në një shtëpi fshati në lagjen Istra të Moskës të martën në mbrëmje, sipas agjencisë shtetërore të lajmeve RIA Novosti, përcjell Telegrafi.

Agjencitë e zbatimit të ligjit i thanë gazetës se vdekja paraprakisht u cilësua si vetëvrasje, por disa kanë hedhur dyshime për këtë.

Zavizenov, 50 vjeç, kishte qenë duke pirë alkool për “një javë e gjysmë” përpara vdekjes së tij, sipas uebsajtit të lajmeve kryesisht pro-Kremlinit Lenta.

Djali i tij gjeti një shënim dhe alkool në një tavolinë në shtëpi, përpara se të dëgjonte një të shtënë në një dhomë tjetër të shtëpisë.

Lenta gjithashtu raportoi se gruaja e Zavizenov së fundmi e kishte kapur atë në një lidhje jashtëmartesore dhe kishte bërë kërkesë për divorc.

Lajmi për vdekjen e tij u nda nga komentatori politik Igor Sushko, i cili shprehu skepticizëm mbi pretendimet për vetëvrasjen e Zavizenov. /Telegrafi/