Alban Veseli: “Minatori” vendi im i pëlqyer, nuk ka favorit në FinalFour (Video)

Ylli i KB Pejës, Alban Veseli, është shprehur mjaft optimist para duelit të madh gjysmëfinal ndaj KB Bashkimit.

Peja përballet me Bashkimin për herë të parë këtë sezon dhe atë në gjysmëfinale të Kupës së Kosovës në Final Fourin që mbahet në Mitrovicë dhe pëderisa shqetësues për Veselin është fakti se nuk i njohin lojtarët e Bashkimit, ai shprehet se në ndeshje të Kupës nuk ka favorit.

“Nuk i njohim aspak lojtarët e Bashkimit, por duhet t’i analizojmë ndeshjet e fundit dhe besoj se do të kalojmë të premtën në finale të Kupës”.

“Në ndeshjet e Kupës nuk ka favoritm, pasi është vetëm një ndeshje dhe mund të jetë një natë e keqe. Edhe Bashkimi, edhe Prishtina edhe Trepça mund të shkojnë në finale. Asgjë nuk është e sigurt, nuk ka favorit”, theksoi Veseli.

Veseli i pyetur se nëse palestrën Minatori e ka favoritë për shkak të formës së mirë të treguar aty në ndeshjet e fundit, ishte vet reprezentuesi i Kosovës ai që konfirmoi se e pëlqen shumë palestrën në Mitrovicë.

“Unë e kam favorite palestrën Minatori edhe ma herët kur kam luajtur aty, por pa lojë ekipore, pa gjithë lojtarët do të jetë shumë e vështirë”, përfundoi Alban Veseli.

https://youtu.be/4AunMxrhZvU?t=5703