Nuk ishte mjet shpërthyes, por një pajisje e veturës – lirohet për qarkullim rruga “Shpëtim Robaj”

E plotësuar: Policia e Kosovës ka konfirmuar për Telegrafin pas kontrollit të detajuar të hapësirës së caktuar nga ana e njësive të specializuara për menaxhimin me mjetet shpërthyese ka rezultuar se mjeti nuk ka qenë shpërthyes.

Zëdhënësja e Policisë për rajonin e Prishtinës, Flora Ahmeti i tha Telegrafit se pas përfundimit të ekzaminimit rruga është liruar për qarkullim.

“Pas ndërmarrjes së të gjitha veprimeve të nevojshme operative si dhe kontrollit të detajuar të hapësirës së caktuar nga ana e njësive të specializuara për menaxhimin me mjetet shpërthyese, ka rezultuar se mjeti nuk ka qenë shpërthyes. Bëhet fjalë për një pajisje të veturës”, tha ajo.

Pas përfundimit të ekzaminimit rruga është liruar për qarkullim.

Alarm për mjet shpërthyes në Prishtinë, policia bllokon rrugën “Shpëtim Robaj”

Policia e Kosovës ka bllokuar rrugën “Shpëtim Robaj” në Prishtinë, për shkak të informatave për një mjet të dyshuar shpërthyes.

Lajmin për Telegrafin e ka konfirmuar zëdhënësja e policisë, Flora Ahmeti.

“Sot rreth orës 10:30 është pranuar informata për një mjet të dyshuar shpërthyes në rrugën “Shpëtim Robaj” në Prishtinë.

Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, tha Ahmeti. /Telegrafi/