Aktorja transgjinore e nominuar për ‘Oscars’, Karla Sofia Gascon kërkon falje për postimet në lidhje me muslimanët: Kam qenë vet e margjinalizuar, e di dhimbjen

Ylli i filmit “Emilia Perez”, i cili ka 11 nominime për ‘Oscar’ këtë vit, Karla Sofia Gascon iu desh të ndalonte festën e saj për të bërë histori çmimesh për të kërkuar falje pasi u shfaqën postimet e saj të vjetra në Twitter.

Gjegjësisht, në postimet e lartpërmendura, Gascon ka shkruar komente fyese për myslimanët, George Floyd, madje edhe për vetë çmimet ‘Oscar’.

Në një prononcim për mediat, ajo ka shkruar se dëshiron të tërheqë vëmendjen me postimet e saj të vjetra që lëndojnë të tjerët.

“Si dikush në një komunitet të margjinalizuar, unë e di shumë mirë këtë vuajtje dhe më vjen shumë keq për ata që kam shkaktuar dhimbje. Kam luftuar gjithë jetën time për një botë më të mirë. Besoj se drita gjithmonë do të triumfojë mbi errësirën”, ajo tha.

Gascon është aktorja e parë transgjinore që është nominuar për ‘Oscar’ në kategorinë e aktrimit.

Gazetarja Sarah Hagi ka shpërndarë pamjet e postimeve të saj fyese në të kaluarën. Njëri prej tyre kishte të bënte me vdekjen e Floyd-it, i cili vdiq në vitin 2020 dhe të cilin ajo e quajti të varur nga droga.

Lexo po ashtu Aktorja transgjinore e nominuar sivjet për "Oscars" është vënë nën kritika për pikëpamjet mbi myslimanët

Ajo gjithashtu shkroi për Islamin dhe komunitetin mysliman: “Islami po bëhet një terren pjellor për infeksion për njerëzimin që duhet urgjentisht të kurohet,” shkroi ajo në një postim të vitit 2016.

Gascon është nominuar për aktoren më të mirë për rolin e saj në dramën muzikore/kriminale të Netflix për një bos droge që kërkon një operacion për ndryshimin e gjinisë. /Telegrafi/