Aktorët e horrorit të ri nga ‘Netflix’ rrëfejnë tmerrin se si dolën të traumatizuar nga xhirimet

Seriali “The Haunting Of Hill House” është pa dyshim një nga më të frikshmit e vitit.

Aktori Oliver Jackson-Cohen tha për Metro se xhirimi i serialit drithërues e la atë duke parë vegime, ndërsa aktorja tjetër Elizabeth Reaser vuante nga pagjumësia.

“Natyrisht ju e dini, sepse ne jemi aktorë, ne kemi imagjinatë të gjerë” tha Oliver, i cili luan rolin e të droguarit, Luka Crain në këtë serial, shkruan DailyMail, transmeton Telegrafi.

“Pasi kishim kryer xhirimet e serialit, fillova të mendoj se dikush ishte ulur në fund të shtratit tim gjatë natës”, tregoi më tej.

Elizabeth Reaser, e cila luan motrën e tij më të madhe Shirley në këtë shfaqje, shtoi: “Nuk kam pasur ndërveprime shpirtërore, por ndjehem sikur ka diçka që ndodh pa vetëdije. Nuk isha në gjendje të fle, ndjehesha si e çmendur”.

Gjatë intervistës, Oliver ndërhyri duke i thënë asaj: “Mbaj mend një javë kur të gjithë ne…po xhironim prej nëntë muajsh dhe më kujtohet që të thirra një ditë dhe ti thjesht nuk fole”.

“The Haunting Of Hill House” është një prodhim i dhjetë serive nga Netflix, një dramë horror që është në romanin e vitit 1959 me të njëjtin emër nga Shirley Jackson. /Telegrafi/