Ky është momenti kur dy aktivistë të klimës hedhin bojë të kuqe mbi një pikturë 133-vjeçare të Kristofor Kolombit në një muze të Madridit.
Dy aktivistet femra, nga lëvizja Futuro Vegetal, thuhet se u panë duke hedhur bojë të kuqe biodegraduese mbi veprën e José Garnelo-s, "Homazhi i Parë për Kristofor Kolombin" në muzeun detar të Madridit të dielën.
Një turmë e vogël e mbledhur u bërtiti atyre ndërsa ata hodhën bojën mbi veprën artistike, e cila përshkruan zbarkimin e Kolombit në Botën e Re në vitin 1492.
Ndërsa ata hodhën bojën, një roje vrapoi brenda dhe rrëshqiti ndërsa u përpoq t'i ndalonte. Dy aktivistët u kapën më pas nga roje të tjera dhe u nxorën jashtë pa ceremoni nga muzeu, transmeton Telegrafi.
Dyshja thuhet se u arrestua për krime kundër trashëgimisë. Futuro Vegetal pretendoi sot se policia po i "dënonte" dy aktivistët me uri pasi nuk po ofronin ushqim vegan.
Muzeu tha se punonjësit e tij u detyruan të ndërmerrnin një restaurim të menjëhershëm të pikturës.
Vizitorëve iu kërkua të largoheshin nga muzeu për t'i lejuar stafit të restauronte pikturën, gjë që u arrit të bëhej brenda vetëm pak orësh. /Telegrafi/
