Aktivistët në Gjermani tentuan të ndërpresin transmetimin e meshës në televizion, nuk e dinin se ajo ishte regjistruar më herët

Aktivistët gjermanë të ndryshimeve klimatike kishin planifikuar të ndërpresin transmetimin televiziv të meshës së Krishtlindjeve në kishë, për të cilën kishin menduar se do të transmetohej drejtpërdrejt, por arritën në vendngjarje shumë vonë sepse ishte filmuar një ditë më parë, njoftoi policia gjermane gjatë të shtunës.

Aktivistët mjedisorë të grupit Last Generation nuk arritën të ndërpresin meshën, e cila fillimisht u mendua se do të transmetohej drejtpërdrejt në televizionin publik, por u regjistrua paraprakisht pasi dolën informacione për planin e protestuesve, transmeton Telegrafi.

Tetë aktivistë u shfaqën jashtë kishës në lagjen Moehringen të Shtutgartit, por e gjetën të mbyllur. Zyra e famullisë njoftoi policinë, e cila gjeti dy keqbërës të tjerë të mundshëm dhe i largoi.

Grupi i protestës mjedisore Last Generation, bllokoi daljet dhe kryqëzimet e autostradave në Berlin dhe qytete të tjera të mëdha nga fillimi i vitit 2022, për të rritur vetëdijen për çështjet klimatike.

Ata organizuan gjithashtu protesta në muze, stadiume, ministri, aeroporte dhe tubacione nafte. /Telegrafi/