Akanji pranon transferimin te United, Djajtë e Kuq i kanë ofruar pagë dy herë më të lartë se sa fiton në Dortmund

Manuel Akanji pritet të jetë transferimi i parë i Manchester United për edicionin e ri.

Mbrojtësi zviceran është duke kaluar muajt e fundit te Borussia Dortmund, pasi largimi në verë duket mëse i sigurt.

Akanji ka kontratë me gjigantin gjerman deri në verën e vitit 2023 dhe vazhdimi i kontratës duket shumë i vështirë, duke marrë parasysh ofertat e tjera që ka në tavolinë.

Gazeta prestigjioze gjermane Sport Bild ka raportuar se reprezentuesi zviceran ka pranuar transferimin te Manchester United gjatë afatit kalimtar të verës.

Djajtë e Kuq i kanë ofruar super pagë zviceranit dhe kjo ka qenë arsyeja që Akanji ka pranuar transferimin në Old Traford.

Gjiganti anglez i ka bërë ofertë zviceranit me një kontratë katër vjeçare nga e cila do të fitoj 15 milionë euro në sezon, shumë që është dyfishë më e lartë se sa fiton aktualisht te Dortmund.

26-vjeçari tanimë ka vendosur t’i bashkohet Djajve të Kuq, teksa vetëm pritet që dy skuadrat të gjejnë gjuhë të përbashkët për transferimin e tij në Old traford.

Gjithnjë sipas Bild, transferimi i qendërmbrojtësit pritet t’i kushtojë Manchester Unitedit rreth 30 milionë euro në verë. /Telegrafi/