Kryetari i Prishtinës Shpend Ahmeti ka folur sërish për Marrëveshjen e Demarkacionit Kosovë – Mali i Zi.
Ahmeti, në Facebook ka shkruar se kundër shënimit të tillë të këtij demarkacioni janë shprehur ekspertët e banorët, ndërsa edhe Mali i Zi është i gatshëm të bisedojë për këtë marrëveshje.
“Vetëm, Thaçi e Mustafa nuk po e pranojnë gabimin e vet”, ka thënë i pari i Prishtinës.
Postimi i plotë i Ahmetit:"Ekspertët po thonë se demarkacioni duhet rinegociuar. Banorët po thonë se demarkacioni duhet rinegociuar sepse duan të mbesin në Kosovë ku kanë qenë. Mali i Zi po thotë se janë të gatshëm për të rinegociuar. Ndërkombëtaret po thonë se asnjëherë nuk e kanë mbrojtur një vijë apo tjetren sepse ajo është çështje në mes dy shteteve, por kanë ritheksuar rëndësinë e përfundimit të procesit sa më shpejtë. Edhe deputetë të koalicionit nuk janë për ta votuar këtë marrëveshje aktuale. Të vetmit që nuk po e pranojnë gabimin janë Thaqi dhe Mustafa. Pse duhet ta mbajnë peng krejt këtë proces. Situata sa i përket kësaj çështjeje do të shtensionohej dhe zgjidhej shpejtë", ka shkruar Ahmeti. /Telegrafi/
