Një grua 23-vjeçare afgane ka përshkruar për BBC-në, se si bashkëshorti i saj e ka lidhur dhe ia ka prerë të dy veshët gjatë një sulmi të dhunës familjare në provincën veriore të Balkh.

Gruaja  e quajtur Zarina,  momentalisht është në gjendje të qëndrueshme por të traumatizuar dhe ndodhet në spital.

“Nuk kam kryer asnjë mëkat. Nuk e di pse bashkëshorti im ma bëri këtë”, tha ajo.

Bashkëshorti i gruas është në arrati,  tha policia për mediat lokale.

Zarina tha  se ajo u martua në moshën 13 dhe se “marrëdhëniet me burrin e saj nuk ishin të mira”.

Në një tjetër intervistë për Tolo News, Zarina u ankua se i shoqi ishte përpjekur t’ia ndalojë edhe takimet me prindërit e saj. Ajo u shpreh se do të dëshironte që të divorcohej nga ai.