Aeroporti londinez Heathrow kufizon në 100 mijë numrin e pasagjerëve në ditë gjatë verës

Heathrow do të kufizoj numrin e pasagjerëve në nisje në vetëm 100 mijë në ditë gjatë verës, pasi aeroporti më i madh i Britanisë së Madhe është duke luftuar për të përballuar kërkesat e mëdha për udhëtime.

Ky kufizim do të zbatohet duke filluar nga sot deri më 11 shtator. Aeroporti u ka thënë kompanive ajrore që “të ndalojnë shitjen e biletave për të kufizuar pasagjerët”, përcjell Telegrafi.

Dhjetëra mijëra pasagjerë në Britania e Madhe janë prekur nga këto kufizime në javët e fundit.

Aeroportet dhe linjat ajrore, të cilat shkurtuan vendet e punës gjatë kufizimeve të pandemisë COVID-19, kanë luftuar për të rekrutuar personel pasi kërkesa për pushime është rikthyer.

Shefi i Heathrowit, John Holland-Kaye tha se duhet veprime për të siguruar udhëtime të besueshme për pasagjerët.

“Gjatë javëve të fundit, duke qenë se numri i pasagjerëve në nisje ka tejkaluar rregullisht 100 mijë në ditë. Vlerësimi ynë është se numri maksimal i pasagjerëve ditorë që nisen që linjat ajrore, operatorët tokësorë të linjave ajrore dhe aeroporti mund të shërbejnë kolektivisht gjatë verës nuk është më shumë se 100 mijë”, tha Holland-Kaye. /Telegrafi/