Adriano u përlot në lamtumirën e tij nga futbolli kur pa videomesazhin e babait të tij të ndjerë

Futbollisti legjendar brazilian Adriano ka luajtur mbrëmjen e djeshme ndeshjen e lamtumirës në “Maracana” të Rios.

Gjatë ndeshjes që u zhvillua për nder të tij, në ekranin e madh të stadiumit u shfaq një video-mesazh i babait të ndjerë të Adrianos, i cili vdiq në vitin 2004, mesazh i krijuar nga inteligjenca artificiale.

Nderimi emocional e la Adrian0n në lot, pasi siç e ka shpjeguar më herët shumë herë, vdekja e babait të tij 20 vjet më parë ndikoi thellë tek ai, duke e bërë të humbiste pasionin për futbollin.

Pas humbjes tragjike, Adriano luftoi me depresionin dhe filloi të pinte alkool, gjë që përfundimisht ngeci karrierën e tij dikur premtuese, duke e kthyer atë në një nga talentet e mëdha të parealizuara.

“NEM CAVALO AGUENTA” 🥹

Com ajuda da Inteligência Artificial, a voz de Sr. Almir, pai de Adriano, foi recriada para uma linda homenagem ao Imperador em seu jogo de despedida no Maracanã. pic.twitter.com/YrajfMDe5p

— ge (@geglobo) December 15, 2024

Flamengo dhe një ekip i quajtur Friends nga Italia luajtën në ndeshjen e lamtumirës.

Adriano luajti nga një pjesë për të dyja skuadrat dhe lamtumira u dha nga yje si Romário, Júlio César, Dida, Ivan Córdoba dhe djali i Adrianos, Adrianinho.

Në lamtumirë mori pjesë edhe legjenda braziliane Ronaldo, ndonëse nuk mori pjesë në vetë ndeshjen.

Adriano ishte shpallur prej kohësh si pasardhësi i “Fenomenit”, por ai nuk arriti kurrë ato lartësi.

View this post on Instagram

A post shared by Adriano imperador (@adrianoimperador)

Adriano e filloi karrierën e tij në Flamengo, dhe gjithashtu luajti për Inter, Fiorentina, Parma, Sao Paulo, Corinthians, Atletico PR dhe Miami United, ku e mbylli karrierën e tij në 2016.

Në kombëtaren braziliane luajti 48 ndeshje dhe shënoi 27 gola. /Telegrafi/