Adriana Matoshi tregon dukjen e saj me dhe pa makijazh në dy fotografi të ndryshme

Aktorja dhe deputetja e Kuvendit të Kosovës, Adriana Matoshi, ka befasuar ndjekësit e saj në Instagram me një ndarje të veçantë të dy anëve të saj: asaj natyrale dhe asaj në skenë.

Matoshi ka publikuar në InstaStory dy fotografi që krijojnë një kontrast të theksuar mes pamjes së saj pa makijazh dhe asaj të grimuar për dritat e skenës.

Në fotografinë e parë, Adriana Matoshi ka zbuluar fytyrën e saj pa asnjë pikë makijazhi, duke treguar karakteristikat e saj të qarta dhe një lëkurë të shëndetshme që shkëlqen edhe pa ndihmën e produkteve kozmetike.

Ndërsa në imazhin e dytë, ajo shfaqet e stolisur për skenën, me një grimi profesional që thekson tiparet e saj dhe i shton një ndjesi të fuqisë dhe prezencës skenike.

Përmes publikimit të këtyre fotografive, Matoshi, e cila është një figurë e njohur jo vetëm në fushën e artit, por edhe në atë politike si pjesë e Lëvizjes Vetëvendosjes, ka demonstruar një guxim të sinqertë.

Nuk janë të shumtë personazhet publike që guxojnë të tregojnë veten në një dritë kaq të pastër, veçanërisht në një epokë ku imazhet e filtruara dhe të përpunuara dominojnë në rrjetet sociale.

Aktorja e shumë serilave vendore ka treguar me këtë hap se nuk ka nevojë të fshehë asnjë pjesë të identitetit të saj dhe se autenticiteti është një ndër cilësitë më të rëndësishme që mund të mbartë një figurë publike. /Telegrafi/