Ademi: Arsimi profesional duhet të jetë më flesksibil drejtë përshtatjes së nevojave të tregut të punës

Arsimi profesional duhet të jetë më flesksibil drejtë përshtatjes me nevojat e tregut të punës, këtë e tha sot ministri i Arsimit dhe Shkencës, Arbër Ademi në konferencën dyditore rajonale në Berlin, kushtuar ndryshimeve në fushën e arsimit profesional dhe teknik në vendet nga Ballkani Perëndimor, përcjell Telegrafi Maqedoni.

“Arsimi fillor duhet të jetë më flesksibil me përshtatjen e nevojave të tregut të punës. Vetëm në këtë mënyrë do të krijohen nxënësit me njohuri, shkathtësi dhe kompetenca të përshtatshme, të cilat menjëherë pas përfundimit të procesit arsimor do të jenë në gjendje të punësojnë dhe t’i përgjigjen kërkesave të punëdhënësve”, tha ministri Ademi në konferencë.

Siç njoftojnë nga Ministria e Arsimit dhe Shkencës, Ademi gjatë fjalimit theksoi se Qeveria e Republikës së Maqedonisë është e vetëdijshme për rëndësinë e arsimit profesional dhe punon intensivisht në përmirësimin e cilësisë së tij, si dhe rritjen e atraktivitetit në mënyrë që më shumë studentë të vendosin për këtë lloj arsimi që ofron transformim më të lehtë nga arsimi në punë.

Ai theksoi se një përfitim i madh pritet nga arsimi i dyfishtë, i cili, sipas shembullit të vendeve të zhvilluara evropiane, po fillon nga ky vit dhe do të zbatohet hap pas hapi. /Telegrafi/