AC Milani e konfirmon: Më 10 gusht do të jemi në Kosovë, do të luajmë me Feronikelin

Tashmë edhe klubi i madh italian AC Milan e ka konfirmuar ardhjen në Kosovë për miqësoren ndaj kampionit aktual, Feronikelit.

Klubi kosovar e kishte konfirmuar më parë miqësore, ndërsa vetëm sot Milani e ka bërë një gjë të tillë përmes faqes zyrtare.

“AC Milan dhe FC Feronikeli janë të lumtur t’iu njoftojnë se të shtunën, më 10 gusht , në orën 20:45 (ora lokale) ata do të marrin pjesë në një ndeshje miqësore në stadiumin “Fadil Vokkri”, Prishtinë, Kosovë”.

📣 On 10 August the Rossoneri will face FC Feronikeli in a historic friendly match, our first in Kosovo 🇽🇰 👉🏻 https://t.co/qoYGB3ef5v

📣 Il 10 agosto disputeremo la nostra prima storica partita in Kosovo, contro i campioni nazionali del Feronikeli 🇽🇰 👉🏻 https://t.co/wPZnH3pL2D pic.twitter.com/Xze5bfcX6M

— AC Milan (@acmilan) July 5, 2019

“AC Milan do të luajë kundër Klubit të kryesuar nga Kryetari, Naser Ramaj, klub i cili u themelua në vitin 1974 dhe aktualisht luan në nivelin më të lartë të Kosovës, Superliga e Futbollit të Kosovës”.

“Në sezonin 2014-15, ata fituan Kampionatin e tyre të parë, duke e mbrojtur me sukses titullin vitin e ardhshëm”.

“Sezonin e kaluar, skuadra e fitoi titullin e ligës për herë të tretë me ekipin e trajnuar nga Zekirija Ramadani që e kualifikoi për raundet preliminare të Ligës së Kampionëve për herë të parë në histori”.

Lexo po ashtu Ekskluzive: Ndeshja Feronikeli-Milan, transmetohet në RTV Dukagjini

“Ndeshja më 10 gusht, është pjesë e një programi më të gjerë veror të ndeshjeve miqësore që do të shohin edhe AC Milan që merr pjesë në turneun e ICC në SHBA dhe Cardiff”.

“Kjo ndeshje do tu jep mundësi tifozëve të futbollit, sidomos tifozëve lokalë të rossonerëve, për të qenë pjesë e ndërtimit të sezonit të ri’, thuhet në njoftimin e klubit.

Kjo ndeshje do të transmetohet ekzkluzivisht në RTV Dukagjini. /Telegrafi/