Deputeti i Vetëvendosjes Artan Abrashi, ka hedhur kritika ndaj kreut të PDK-së Kadri Veseli, për mos-reagim ndaj veprimeve të fundit të Qeverisë Hoti, lidhur me lejimin e zgjedhjeve serbe në Kosovë.
Përmes një shkrimi në Facebook, ai ka thënë se deputetët e PDK-së në Kuvend, për shkak të testeve për COVID-19, të ardhur nga Serbia dhe mjekëve serbë në veri, kishin hedhur mllef e urrejtje, e për zgjedhjet në veri, sipas tij, Veseli po hesht.
“Ku je PDK? Më kujtohen seancat e fillim vitit kur nisi punën Qeveria Kurti, pjesa e djathë e Kuvendit ku ishte ulur PDK-ja, guzhmonte pandërprere me mllef e urrejtje. Flisnin për rrënimin e shtetit pse disa mjek serb kontrollonin të infektuarit me Covid-19 nga një dasmë në veri, e mandej e shpallën “invazionin” e Serbisë në Kosovë pse u pranuan teste që ishin në mungesë për nevoja të popullatës. U ndihej piskama në korridor së bashku me goditjet e foltores që dukej se paralajmëronin edhe grushtet në fund të seancës. Pas çdo fjalimi, pritjej një nënqeshje e Kadriut si shenjë e miratimit për performancën e deputetëve të PDK-së. Nëse nuk kishte shenja, ata egërsoheshin edhe më shumë. Kështu vazhdoi për një kohë”, ka thënë Abrashi.
Abrashi thotë se Qeveria Hoti tashmë është e varur nga Beogradi.
“Ndërsa sot mbahen zgjedhjet e Serbisë në territorin e Republikës së Kosovës. Votoi edhe Zv/Kryeministri Rakiq me krenari, duke i ba thirrje serbëve ta kryenin obligimin ndaj shtetit të tyre të vetëm, Serbisë. U cenua rendi juridik dhe kushtetues para gjithë dynjasë. Haptas e thonë se Beogradi bënë çka të dojë, bile bile, ka në dorë edhe fatin e Qeverisë Koti që u kontrabandua me votat e tyre”, shprehet ai.
Ai ka pyetur PDK dhe kreun e kësaj partie Kadri Veselin, pse sipas tij është strukur e nuk po reagon.
“Ku është PDK? Pse nuk ndihet gjallë? Në cilën strofull janë strukur? Ku është Republika, pavarësia, lufta për liri dhe gjaku i dëshmorëve? Kadri ku je?”, thotë tutje.
Abrashi shkon më tej duke thënë se, PDK nuk e ka dert edhe nëse autoblindat e Serbisë sillen nëpër Prishtinë.
“Kjo pafytyrësi e PDK-së gjersa Kosova shkundet nga Serbia na bënë të kuptojmë një gjë. PDK nuk e ka dert edhe nëse autoblindat e Serbisë sillen nëpër Prishtinë. Ata kanë hall vetëm pushtetin që ja pengon Lëvizja VETËVENDOSJE! E gërditshme”, ka shkruar në fund./Telegrafi/
Promo
Reklamo këtuLufta Prigozhin - Putin
Më shumëPasuria e majme e kreut të Prishtinës – banesa, rezidencë, veturë Tesla e koleksion pikturash milionëshe
Sa kanë pasuri Osmani dhe Kurti? Dyshja deklaron pasurinë e tyre në Agjencinë për Parandalimin e Korrupsionit
Pasuria e Memli Krasniqit, ai posedon numër të madh të kriptovalutave
Tri shtëpi në Kosovë, një në Shqipëri dhe një vilë - kjo është pasuria e Ramush Haradinajt
Banesë, depo, parking e kursime në bankë – kjo është pasuria e kryeparlamentarit Konjufca
Serwer tregon se pse Serbia i frikësohet anëtarësimit të Kosovës në Këshillin e Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel