Lojtarët po thyejnë të njëjtin rregull çdo ndeshje dhe kalojnë pa u ndëshkuar

Lojtarët e Ligës Premier thyejnë të njëjtin rregull çdo ndeshje dhe nuk po ndëshkohen.

IFAB po bën rregullisht ndryshime në një sërë rregullash dhe ato të fundit përfshijnë rritjen e kohës së shtuar, një pengesë serioze për humbjen e kohës dhe vetëm një person lejohet të qëndrojë në pjesën e përparme të zonës teknike.

Për më tepër, portierët nuk do të jenë më në gjendje të shpërqendrojnë lojtarët që godasin penalltitë dhe kushdo që shihet duke bërë thirrje që një lojtar të ndëshkohet, tani merr automatikisht një paralajmërim nga vetë arbitri.

Por, ka rregulla që nuk zbatohen askund edhe në lojën profesionale.

Kur kryeni një rivënie, të dyja duart duhet të shkojnë pas kokës së gjuajtësit dhe të dyja këmbët në dysheme ose përndryshe kjo është një gjuajtje e gabuar dhe skuadra tjetër rimerrë topin.

Por, ka edhe një kërkesë tjetër që shpesh harrohet. Sipas Unisport, ekzekutuesi gjatë hedhjes së topit nuk lejohet të lëvizë.

Rregullat thonë se, “ekzekutuesi duhet ta hedhë topin nga mbrapa dhe mbi kokë në pikën ku është larguar topi nga fusha e lojës” dhe për këtë arsye lëvizja më e vogël është teknikisht e paligjshme.

Është gjithashtu e njohur se lojtarët nuk mund të shënojnë direkt nga një rivënie, por kjo ndodhi së fundmi në një lojë femrash në Shtetet e Bashkuara.

Zoey Maloney hapi rezultatin për ekipin e femrave të futbollit të universitetit Drake kundër Universitetit të Iowas Veriore me një rivënie të çmendur me salto që u fut deri në zonë.

Për shkak se portieri mori një prekje, goli qëndroi. /Telegrafi/