“Kurrë nuk jam ndier më i lumtur, tani dua Miocicin”, fjalët e Jon Jones pasi fitoi titullin e UFC

Luftëtari amerikan, Jon Jones ndihet i lumtur me rikthimin e tij në oktogon, ku mposhti Ciryl Gane dhe fitoi titullin e peshave të rënda në UFC 285.

Jones pati nevojë vetëm për rreth tre minuta për ta detyruar francezin Gane për të dorëzuar meçin e zhvilluar në T-Mobile Arena të Las Vegasit.

Kjo fitore e ka lumturuar amerikanin, i cili ka quar rekordin e tij në 27 fitore dhe 1 humbje, teksa bëhet i teti në histori që arrin të fitojë titullin në dy divizione.

35-vjeçari u pushtua nga emocionet pas përballjes, të cilën e shprehu në intervistën e tij pas meçit.

“Unë kurrë nuk jam ndjerë më i qetë, kurrë nuk jam ndjerë më i lumtur”, ka thënë fillimisht Jones.

“Para së gjithash, më duhet të falënderoj zotin dhe shpëtimtarin tim Jezus Krishtin. Pa të, nuk do të kisha arritur kurrë kaq larg”.

The new terror of the heavyweight division 😤 #UFC285 pic.twitter.com/cFDbu7qftz

— UFC (@ufc) March 5, 2023

“Kam punuar për këtë për një kohë kaq të gjatë, por i kam qëndruar besnik qëllimit tim, i kam qëndruar besnik misionit”.

“Kishte ditë që nuk doja të stërvitesha, por isha gjithmonë aty. E dija nëse do ta çoja në tokë se lufta do të ishte në zonën time, pasi unë kam luajtur mundje që në moshën 12-vjeçare”.

The sweetest sound you'll hear all weekend 🔊 #UFC285 pic.twitter.com/n2MOjU1b4Y

— UFC (@ufc) March 5, 2023

“Në fakt u ndjeva pak budalla në këmbë, por dua të them diçka të fundit, ‘Baa!’”

Jones ka vendosur tani një përballje me ish-kampionin dominues të peshave të rënda Stipe Miocic.

“Stipe Miocic, shpresoj se po stërvitesh, djalosh. Ti je pesha e rëndë më e madhe e të gjitha kohërave, dhe këtë dua unë”, përfundoi amerikani. /Telegrafi/

Stipe next!? 👀@JonnyBones already has his sights set on his first heavyweight title defense #UFC285 pic.twitter.com/DUATmTO99u

— UFC (@ufc) March 5, 2023