Për kë mbipagoi Chelsea e për kë jo – Transfermarkt i ka publikuar detajet

Shifrat tregojnë se Chelsea ka mbipaguar për pesë nënshkrimet e tyre që i realizoi në afatin kalimtar të janarit.

Pronari i Bluve, Todd Boehly, ka shpenzuar tashmë mbi 400 milionë euro në transferime që kur bleu klubin vitin e kaluar – me 200 milionë euro të shpenzuara vetëm në tre javët e fundit.

Chelsea e ka forcuar skuadrën e tyre me shtimin e përhershëm të pesë yjeve të rinj, por platforma kryesore e vlerësimit Transfermarkt nuk mendon se ishin vlera reale të lojtarëve.

Ata mendojnë se i vetmi nënshkrim për të cilin paguan vlerën reale ishte sulmuesi i Moldes, David Datro Fofana.

Blutë i kanë paguar 11 milionë euro skuadrës norvegjeze për sulmuesin, pikërisht atë që ai vlerësohej.

Tarifa e Chelseat për Benoit Badiashile sigurisht që nuk është e madhe, duke derdhur 40 milionë euro në xhirollogarinë e Monacos për një mbrojtës të ri premtues me vlerë 35 milionë euro.

Por, tre marrëveshjet e tjera të londinezëve perëndimor janë një histori krejtësisht e ndryshme.

Mbipagesa e tyre më dramatike duket se ka qenë për yllin ukrainas Mykhailo Mudryk.

Arsenali kishte një ofertë prej 70 milionë euro të refuzuar për sulmuesin, kur Chelsea hodhi poshtë ofertën e tyre duke paguar 100 milionë euro që Shakhtari i kërkoi.

Sulmuesi 22 vjeçar është një talent emocionues, por Transfermarkt e liston atë vetëm me 40 milionë euro –  me Blutë që kanë paguar 60 milionë euro më shumë.

Chelsea ka kompletuar nënshkrimin e ish-anësorit të Tottenhamit, Noni Madueke nga PSV Eindhoven.

20-vjeçari i talentuar e kompletoi kalimin në “Stamford Bridge” për 35 milionë euro.

Transfermarkt, megjithatë, nuk do ta vlerësonte atë për asgjë mbi vetëm 15 milionë.

Blutë gjithashtu nënshkruan me adoleshentin brazilian Andrey Santos nga Vasco da Gama në fillim të këtij muaji për 20 milionë euro, pavarësisht se ai vlerësohej me vetëm 10 milionë euro.

Blerja tjetër e janarit e Chelseat ishte huazimi i Joao Felix.

Skuadra e Graham Potter ka paguar 11 milionë euro vetëm për ta huazuar atë nga Atletico Madrid për pjesën tjetër të sezonit.

Marrëveshja nuk ka asnjë mundësi për të blerë, ndërsa Atletico e zgjati kontratën e tij deri në vitin 2027 kur e dërgoi atë në huazim.

Nëse Felix performon mirë në Stamford Bridge, ata mund të jenë një luftë ofertash për nënshkrimin e tij në verë. /Telegrafi/