WhatsApp lanson mbështetjen Proxy për përdoruesit në të gjithë botën, do të kenë akses në rrjetin social edhe nëse lidhja e tyre bllokohet

WhatsApp po lanson mbështetjen Proxy për përdoruesit e saj në të gjithë botën, njoftoi kompania të enjten.

Mbështetja do t’i lejojë përdoruesit të kenë akses në WhatsApp nëse lidhja e tyre bllokohet ose ndërpritet.

Zgjedhja e një Proxy iu mundëson përdoruesve të lidhen me WhatsApp përmes serverëve të krijuar nga vullnetarë dhe organizata në mbarë botën të dedikuar për të ndihmuar njerëzit të komunikojnë lirshëm.

WhatsApp thotë se lidhja përmes proxy ruan të njëjtin nivel privatësie dhe sigurie që ofron aplikacioni, dhe se mesazhet personale do të mbrohen ende nga ‘end-to-end encryption’.

Kompania thotë se mesazhet nuk do të jenë të dukshme për askënd në mes, jo për serverët proxy, WhatsApp ose Meta.

“Dëshira jonë për vitin 2023 është që këto shkyçje të internetit të mos ndodhin kurrë”, shkroi WhatsApp në një postim në blog.

“Përçarjet si ne kemi parë në Iran për muaj të tërë, mohojnë të drejtat e njeriut të njerëzve dhe ua ndalojnë njerëzve marrjen e ndihmës urgjente. Edhe pse në rast se këto mbyllje vazhdojnë, ne shpresojmë që kjo zgjidhje t’i ndihmojë njerëzit kudo ku ka nevojë për komunikim të sigurt dhe të besueshëm”. /Telegrafi/