Po kalonte rrugën në vija të bardha, vetura godet dhe përplas për asfalti pensionistin britanik – shoferi largohet sikur të mos kishte ndodhur asgjë

Një video që po qarkullon në rrjetet sociale, shfaq momentin kur një pensionist britanik goditet dhe përplaset në tokë nga një veturë, derisa po kalonte vijat e bardha (zebra) në Tajlandë.

Një veturë e bardhë godet 74-vjeçarin Peter Palmer, derisa po kalonte rrugën në vijat e bardha në Chonburi të Tajlandës, transmeton Telegrafi.

Palmer që kishte shkuar për pushimet, kishte arritur të kalojë vetëm gjysmën e rrugës, kur një Isuzu D-Max e goditi kur shoferi vendosë të vazhdojë rrugëtimin pavarësisht se në semafor ishte ndezur drita e kuqe.

E pavarësisht se “fluturoi” disa metra dhe ra në asfalt për vetëdije, i moshuari i mbijetoi këtij aksidenti.

Megjithatë ajo çfarë irritoi opinionin ishte shoferi që nuk u ndalë fare. Përkundrazi vazhdoi rrugëtimin sikur të mos kishte ndodhur asgjë e keqe.

Deri më tani askush nuk është arrestuar, ndërsa sipas ligjeve që janë në fuqi në Tajlandë, personat që kryejnë vepra të tilla mund të dënohen deri në 300 dollarë dhe me tre muaj burgim.

Dënimi rritet vetëm nëse viktima vdes apo lëndohet shumë rëndë, e në rastin e Palmer, ai ka pësuar lëndime në disa pjesë të trupit si dhe i është qepur koka. /Telegrafi/