Netflix po lanson veçorinë e re ku mund të nxirrni dikë jashtë që është kyçur në llogarinë tuaj

Netflix po lanson një veçori të re të quajtur “Menaxho Qasjen dhe Pajisjet” që ju lejon të shihni pajisjet që janë kyçur me llogarinë tuaj të këtij shërbimi për shikimin e filmave dhe serialeve.

Bazuar në një fotografi nga Netflixi, do të mund të shihni gjëra të tilla sikurse se cilat pajisje janë të lidhura me llogarinë tuaj, cili profil ka shikuar diçka në atë pajisje dhe nga e kanë parë atë, transmeton Telegrafi.

Nëse dëshironi ta nxirrni dikë jashtë nga llogari, mund të klikoni butonin “sign out”, nga ajo pajisje e veçantë që dikush ka hyrë në llogarinë tuaj.

Veçoria mund t’u ndihmojë edhe pasi Netlixi fillojë të tarifojë përdoruesit për ndarjen e fjalëkalimeve të tyre me miqtë dhe familjen që jetojnë jashtë shtëpisë së tyre.

Netflix nuk ka detajuar planet e tij të plota për të luftuar ndarjen e fjalëkalimeve, megjithëse ka qenë duke testuar ide që mund të tregojnë se çfarë mund të presim.

“Menaxho Qasjen dhe Pajisjet” do të do të jetë i disponueshëm në web dhe në aplikacionet e iOS dhe Android. /Telegrafi/