Kyuchyuk: Procesi i negociatave në mes BE-së dhe RMV-së ende nuk ka filluar
“Nëse lideri i OBRM-PDUKM-së, Hristijan Mickoski fushatën e tij e udhëheq me qëndrime kundër Bullgarisë dhe i kundërshtohet përfshirjes së bullgarëve në Kushtetutën e vendit, kjo do ta bllokojë rrugën e Republikës së Maqedonisë së Veriut drejt BE-së”.
Këtë e deklaroi eurodeputeti bullgar dhe raportues në Parlamentin evropian për vendin, Ilhan Kyuchyuk.
“Procesi i negociatave mes BE-së dhe Republikës së Maqedonisë së Veriut ende nuk ka filluar, pasi pritet të përfundojë skriningu, i cili do të zgjat një kohë të caktuar. Nga përvoja bullgare e dimë se kjo zgjat nga një vit e gjysëm deri dy dhe duhet të jepen vlerësimet për këtë skrining”, thotë Kyuchyuk për televizionin bTV nga Sofja.
Ai thekson se “propozimi francez” për zhbllokimin e eurointegrimit të vendit paraqet propozim të Bashkimit Evropian, pasi u pranua me konsenzus nga të gjithë anëtarët e BE-së, e mori edhe përkrahjen e nevojshme politike, si në Kuvendin e Bullgarisë, ashtu edhe në atë të Maqedonisë së Veriut.
Në pajtim me “propozimin francez”, negociatat e vendit sipas kapitujve duhet të fillojnë pas përfundimit të procesit të skriningut, por edhe pas përfshirjes së bullgarëve në Preambulën e Kushtetutës mes popujve tjerë që jetojnë në shtet.
“Për fat të keq, në Parlamentin e Maqedonisë së Veriut, ‘propozimi francez’ u pranua vetëm me votat e partive në pushtet dhe një pjesë të atyre opozitare. Partia më e madhe opozitare në mënyrë kategorike iu kundërshtua këtij propozimi dhe paralajmëroi se nuk do të votojë për ndryshimet e Kushtetutës dhe përfshirjen e bullgarëve në Kushtetutën e tyre. Kjo, do të thoja, është zhvillim shumë pikëllues i ngjarjeve”, shtoi Kyuchyuk.
Promo
Reklamo këtuLufta Prigozhin - Putin
Më shumëNga Rubrika
Shala për draft statutin e Asociacionit: Autonomi politike territoriale për serbët
Mitsotakis: Nëse Qeveria e re në Shkup konteston Marrëveshjen e Prespës, rruga europiane do të jetë e mbyllur
“Më ndihmoni po humbas gjak”, shqiptarja qëllohet me thikë jashtë shkollës në Britani, tmerrohen fëmijët dhe prindërit
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251