Përfaqësuesja e Kosovës ka pësuar humbjen e parë në kampanjën kualifikuese për Ligën e Kombeve.
Në një atmosferë të zjarrtë në stadiumin ‘Fadil Vokrri’, Dardanët u mposhtën me rezultat minimal 0-1 nga Greqia.
Stadiumi ishte i tejmbushur në fillim të ndeshjes, por jo edhe në fund kur reshjet e shiut bën që tifozët të ikin dhe mos t’i përkrahin deri në fund futbollistët tanë.
Si gjithmonë Telegrafi sjell prapaskenat më interesante nga ndeshjet e Kosovës dhe edhe në këtë ndaj Greqisë kishte shumë të tilla.
Ambasadori amerikan i pranishëm në stadium
Figura të rëndësishme kanë qenë të pranishëm në stadiumin ‘Fadil Vokrri’ ku njëri nga ta ishte edhe Ambasadori amerikan në Kosovë, Jeffrey Hovenier i cili është edhe një adhurues i madh i futbollit.
Hovenier ka marrë dhuratë një fanellë të Kosovës nga presidenti i Federatës së Futbollit të Kosovës, Agim Ademi.
Koreografia fantastike e Dardanëve
Si gjithmonë tifozët e Kosovës ‘Dardanët’ ishin në nivel të lartë. Edhe në këtë sfidë mbështetësit e ekipit përfaqësues kishin përgatitur një koreografi fantastik të shkruar ‘Forca Kosovë’.
Fishkëllima për himnin shtetëror të Greqisë
Momenti që filloi himni grek të këndohet i gjithë stadiumi u ngrit në këmbë për ta vërshëllyer atë. Gjithsesi pas mbarimit të himnit grek, ai i Kosovës u respektua nga të gjithë.
Minuta e nëntë, të gjithë në këmbë për ta kujtuar legjendë Fadil Vokrri
Vazhdon tradita në stadiumin ‘Fadil Vokrri’. Momentin që u bë minuta e nëntë e ndeshjes, të gjithë të pranishmit u ngritën në këmbë dhe ndezën dritat e telefonit për ta kujtuar legjendën ‘Fadil Vokrri’.
Rashani i lënduar, por mori gruan dhe djalin për ta përkrahur nga tribuna Kosovën
Elbasan Rashani nuk u ftua në këtë grumbullim nga trajneri Alain Giresse. Sulmuesi i skuadrës franceze Clermont ishte i lënduar, por ai po qëndron në pushim në Kosovë. Gjithsesi Rashani vendosi ta ndjek ndeshjen nga stadiumi ‘Fadil Vokrri’ së bashku me bashkëshortën e tij Agnesën dhe djalin Lionin. Për djalin e Elbas kjo ishte hera e parë që shikon një ndeshje në stadiumin e Kosovës.
Grushti që mbrojtësi grek i dha Zymer Bytyqi pa top
Mbrojtësi grek George Baldock u tregua shumë i ashpër edhe pa top. Ai e goditi me grusht sulmuesin e Kosovës Zymer Bytyqin, por këtërast nuk e pa gjyqtari kryesor i ndeshjes.
Reagimi i ashpër i bankës së Kosovës, Shala dhe Ujkani i kërkojnë gjyqtarit ta shoh rastin në VAR
Samir Ujkani dhe menaxheri Bajram Shala reaguan ashpër te gjyqtari i katërt për grushtin që Baldock i dha Bytyqit. Dyshja kosovare i kërkuan gjyqtarit të katërt të rishikohet rasti në VAR, por një gjë e tillë nuk ndodhi.
Lutjet e Valon Berishës dhe Ibrahim Dresevicit
Valon Berisha dhe Ibrahim Dresevic u inkuadruan në lojë në minutën e 75-të të ndeshjes. Dy mesfushorët e Kosovës njihen edhe si besimtar të devotshëm dhe para inkuadrimit në lojë bënë lutjet e tyre.
Një top e goditi gjyqtarin anësorë në kokë
Gjyqtari anësorë u befasua shumë në minutat e fundit të ndeshjes. Një djalosh që kujdesej për topat t’i rikthente në lojë pa dashje ka goditur gjyqtarin anësorë në kokë. Gjyqtari u befasua fillimisht dhe shikoi se nga kush i erdhi, por kur e pa se ishte padashje nga fëmija ai vetëm buzëqeshi dhe pranoi kërkim faljen e vogëlushit.
Tifozët i lanë vet në minutat e fundit futbollistët në fushë, shiu dhe disavantazhi bëri që ta lëshojnë fushën
Fillimi i ndeshjes ishte fantastik, pasi thuajse nuk kishte asnjë vend të lirë në stadiumin ‘Fadil Vokrri’. Mirëpo pasi filluan reshjet në stadium mijëra tifozë u larguan duke mos i përkrahur djelmoshat tanë deri në minutat e fundit të ndeshjes. Gjithseis kjo nuk ishte aspak e mirë pasi futbollistët e Kosovës kishin nevojë për përkrahje deri në vërshëllimën e fundit të gjyqtarëve.
Tifozët në fushë pas përfundimit të ndeshjes
Pas përfundimit të ndeshjes disa tifozë u futën në fushë për t’i takuar futbollistët e Kosovës. Shumica nga ta kërkuan foto me futbollistët, derisa kishte nga ta që morën edhe fanella të tyre. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Se po kalon në sezonin e jetës, e tregon edhe kjo statistikë e Zhegrovës – lë pas lojtarë si Vinicius, Wirtz, Leao e Mbappe
“Zidane ishte idhulli i babait tim” – Bellingham tregon arsyen pse mori fanellën me numrin pesë
Nënshkrimi i Mbappes ka shkaktuar tension në zhveshtoren e Real Madridit
Tre sulmuesit që Xavi i do për të përforcuar sulmin e Barcelonës këtë verë
"Mjekët më thanë se së shpejti do të vdes", Ish-portieri gjerman tregon sëmundjen e rëndë me të cilën po përballet
Milani zgjedh numrin 9 të ri, mund të bëhet transferimi më i shtrenjtë në histori të klubit
Bisedimet kanë nisur, Jose Mourinho befason të gjithë me skuadrën e tij të re
Ylli i West Ham i bindur se do ta ndalin Cityn: Arsenali shpallet kampion
Skuadra e inkuadruar në Ligën Premier dëshiron ta dobësojë Arsenalin, bën ofertë të lartë për dy yjet e Topçinjve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'