Nga: Teresa Galeote Dalama
Përktheu: Bajram Karabolli
Politika, si një art i së mundshmes, si një sistem organizimi për kombet, si një formulë bashkëjetese midis burrit dhe gruas, është ajo që solli civilizimin. Kjo është e vërtetë. Por, ka edhe një të vërtetë tjetër të dhimbshme: e vërteta se ne vuajmë nga një politikë e degraduar aq shumë, saqë është e thjeshtë për ta sharë atë.
Të vjen keq kur vëren se politika është synim për pushtet ekonomik i atyre që, për t’u rregulluar vetë, nuk duan rregulla; atyre u mjafton sundimi despotik, tirania; ata kanë normat e tyre për të siguruar interesat dhe privilegjet e veta. Interesat e tyre ekonomike, përherë, bien ndesh me interesat shoqërore dhe kombëtare. Por, kurrë, si tani, ata nuk kanë qenë aq të babëzitur, kurrë si tani nuk kanë aq cinikë, aq të paturpshëm, për të rrëmbyer privilegje, për të shmangur ndëshkimin e tyre të merituar, duke e bërë gënjeshtrën vetinë kryesore të identitetit të tyre.
Sot, politika pushtetare është zënë nga një hordhi grabitqarësh, të cilët, për të ushqyer veten e tyre, pa kurrfarë turpi dhe frike, sakrifikojnë interesat e larta kombëtare, madje sakrifikojnë edhe jetë njerëzish. Këta janë politikanë që e shikojnë kombin si një fermë për përfitimin e tyre, si një feud, ku ata sundojnë vasalët e tyre.
Në politikë gjithmonë ka pasur dhe vazhdon të ketë burra dhe gra me vokacion të plotë për t’i shërbyer kombit dhe shoqërisë, por sot ata sa venë dhe rrallohen më shumë dhe numri i tyre është tejet i vogël përballë ortekut të “të patremburve”, që politikën e vënë në shërbim të tyre. Këta të fundit jetojnë prej politikës, pa u kujdesur për asgjë tjetër, veçse për rrogën e tyre të majme dhe për privilegjet e tjera të pambarimta.
Athua ky vend dhe ky popull, për shekuj të tërë, është mësuar me tirani dhe nuk e ka për gjë këtë tiraninë e sotme?!
Mos harroni se ka shekuj që Dekarti ka thënë: “E kaluara peshon më shumë se një pllakë varri”.
Ndërsa, shkrimtari spanjoll Benito Pérez Galdós: “Kurrë nuk do t’i afrohesha politikës, si një vend pune, kësaj karriere të rehatshme, të lehtë dhe fitimprurëse, që përbën një klasë, ose më saktë një racë njerëzish batakçinj plot oreks, që na drejton dhe na kullot si një tufë e bindur”.
Promo
Reklamo këtuLufta Prigozhin - Putin
Më shumë“Lufta civile shqiptare”
Revolucioni i vitit 1821 në Greqi, ishte revolucion i shqiptarëve!
Çka nënkupton shatërvani?
Thënie të të famshmëve: Politika, një emër diplomatik për ligjin e xhunglës!
Baba!
Përshkrim i Shqipërisë natyrale, të 120 viteve më parë: Natyra, tregtia, pasuria, qytetet, njerëzit...
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'