Transferimet më të këqija të janarit në historinë e Ligës Premier

Afati kalimtar i janarit sjell mundësinë që skuadrat të vazhdojnë me garat për trofe, betejën për pozitat evropiane dhe për të qëndruar në ligë, por transferimet në muajin e parë të vitit nuk kanë shkuar gjithmonë mirë në Ligën Premier.

Ndërsa Bruno Fernandes, i votuar si transferimi më i mirë i janarit ndonjëherë, dhe Virgil van Dijk janë shembuj veçanërisht të mirë të asaj që mund të bëhet në janar, trajnerët shpesh shpjegojnë se sa i vështirë është biznesi i transferimeve në këtë kohë të vitit.

Nëse nuk paraqitet një pazar absolut, ose nëse ekipi juaj nuk ka nevojë të madhe për një lojtar, shpesh është më mirë të prisni deri në verë.

Me një kokë më të qartë, jashtë situatës dramatike së një edicioni në vazhdim, dhe më gjatë për të vendosur se kë të nënshkruajë, ndoshta disa strategë do t’i kishin shmangur disa nga këto gabime.

Që nga fillimi i afatit kalimtar të janarit në vitin 2003, ka pasur disa tollovi të vërteta dhe më poshtë është përpiluar një listë me transferimet më të këqija.

17). Joey Barton – Mund të duket disi e ashpër të përfshihet një transferim i lirë në listë, por lëvizja e Bartonit në Burnley, periudha e tij e dytë në klub, zgjati vetëm 14 paraqitje në ligë dhe tre muaj, përpara se të suspendohej nga futbolli për dhjetë muaj.

16). Kim Kallstrom – Për një gjeneratë fansash, Kallstrom njihej më së miri si një nënshkrim i volitshëm në Championship Manager. Ai mbërriti në Arsenal, duke fituar një lëndim serioz dhe luajti vetëm katër ndeshje në të gjitha garat, megjithëse ai shënoi një penallti në ndeshjen gjysmëfinale të FA Cup.

15). Steven Caulker – Caulker e filloi sezonin në Southampton në formë huazimi, humbi 6-1 nga Liverpool dhe Reds menduan se do ta merrnin atë nga duart e Saints. Ai luajti tre ndeshje në ligë, të gjitha si zëvendësues.

14). Ben Davies – Një tjetër mbrojtës që iu bashkua Liverpoolit në afatin e dimrit. Davies ishte transferuar që të zgjidhte krizën e lëndimeve të Reds, por nuk ka luajtur asnjë minutë për skuadrën e Jurgen Klopp, ai tani është në huazim te Sheffield United.

13). Oumar Niasse – Pas një lëvizjeje prej 15 milionë eurosh, Niasse nuk shënoi asnjë gol në ligë në muajt e tij të parë në Goodison Park. Një sezon i ri solli një trajner të ri për Everton dhe Ronald Koeman nuk e futi në lojë atë gjatë gjithë sezonit.

12). Marvin Sordell – Bolton nënshkroi me Sordell kur ata ishin në mes të një beteje për rënie, sulmuesi luajti vetëm tre herë, nuk shënoi dhe klubi ra në Championship. Sezonin e ardhshëm ai shënoi vetëm katër herë në Championship.

11). Denis Suarez – Një tjetër i huazuar i Arsenalit, Suarez luajti vetëm gjashtë herë në të gjitha garat për Gunners dhe u pagua 55,000 euro në javë gjatë qëndrimit të tij atje. Që atëherë ai zbuloi se ishte i lënduar për shumicën e kohës së tij në Emirates.

10). Jean Alain Boumsong – Boumsong u transferua nga Monaco te Rangers në një transferim të lirë në gusht të vitit 2004. Ai bëri aq shumë përshtypje sa që Newcastle pagoi 10 milionë euro për të, pesë muaj më vonë. Përkundrazi, ai nuk bëri përshtypje në St James’ Park dhe hetimi i Stevens për korrupsionin në futboll madje e shqyrtoi këtë lëvizje, megjithëse u lirua nga akuzat.

9). Guido Carrillo – Sulmuesi kishte luajtur nën drejtimin e Manuel Pellegrinos te Estudiantes, kështu që trajneri i Southampton pagoi 19 milionë euro për të. Dy muaj më vonë, trajneri u shkarkua dhe Carrillo nuk shënoi asnjë gol gjatë periudhës së tij në klub.

8). Wilfried Bony – Pasi shpenzoi 25 milionë euro për sulmuesin e Sëanseas, Manchester City do të shpresonte se Bony do t’i ndihmonte ata të fitonin ligën. Në vend të kësaj, titulli i shkoi Leicesterit, Bony shënoi vetëm dy gola për Cityn dhe katër herë sezonin e ardhshëm.

7). Savio Nsereko – Ju mund të pyesni ‘kush?’ kjo është arsyeja pse Nsereko është në këtë listë. West Ham pagoi rreth 9 milionë euro për sulmuesin, ai luajti 10 ndeshje pa shënuar. Fiorentina pagoi 2.7 milionë euro për të gjashtë muaj më vonë dhe dërgoi Manuel da Costa në Londër gjithashtu. Da Costa nuk ia doli më mirë.

6). Kostas Mitroglou – Fulham po përpiqej të qëndronte në Ligën Premier, kështu që shpenzoi një rekord prej 15 milionë eurosh për të. Ai nuk debutoi deri në fund të shkurtit për shkak të lëndimeve dhe niveleve të fitnesit, luajti tre herë pa shënuar dhe ata ranë në Championship.

5). Juan Cuadrado – Kolumbiani mbërriti te Chelsea për rreth 28 milionë euro, por kurrë nuk bëri përshtypje në 14 paraqitje, përpara se të transferohej te Juventusi gjashtë muaj më vonë. Pjesë e lëvizjes së tij te Blutë pa Mohamed Salahun të huazohet te Fiorentina. Egjiptiani impresionoi mjaftueshëm për të fituar kalimin e tij te Roma.

4). Fernando Torres – Për 58 milionë euro, Chelsea do të priste shumë më tepër se 20 gola në Ligën Premier në 110 paraqitje. Asnjëherë nuk funksionoi për sulmuesin në Stamford Bridge, por goli fitues i tij në gjysmëfinale të Ligës së Kampionëve do të thotë se ai nuk është më lart në këtë listë.

3). Andy Carroll – Liverpool kishte nevojë për të zëvendësuar Torresin, kështu që ata shpenzuan 35 milionë euro për një sulmues me gjashtë muaj në ligën e parë të Anglisë. Carroll, krejtësisht i kundërt me Luis Suarez që u bashkua një ditë më parë, ishte një fatkeqësi në Anfield, duke shënuar vetëm gjashtë gola në një sezon e gjysmë.

2). Philippe Coutinho – Mirë, ky është pak mashtrim duke marrë parasysh se transferimi ishte jashtë Ligës Premier, por duke pasur parasysh se ai i kushtoi Barcelonës 140 milionë euro ishte një biznes i madh për Liverpoolin.

1). Alexis Sanchez/Henrikh Mkhitaryan – Një nga pjesët më të këqija të biznesit të transferimeve në epokën e Ligës Premier. Sanchez nuk bëri asgjë për Manchester United, pasi ata mundën rivalin lokal, Cityn për nënshkrimin e tij, vetëm disa muaj përpara se ai të ishte në dispozicion si lojtar i lirë.

Klubi i dha atij paga të mëdha dhe reputacioni i tij ishte i shkatërruar, duke shënuar tre gola në ligë në 32 ndeshje përpara se të largohej për te Interi. Mkhitaryan shkoi te Arsenali në marrëveshje shkëmbimi dhe armeni nuk rezultoi shumë më mirë, megjithëse shënoi më shumë gola, përpara se të transferohej te Roma. /Telegrafi/