Puna e KRRE, ndër pikat e rendit të ditës së mbledhjes së 23-të Qeverisë së RM

Në mbledhjen e saj të 23-të morri në shqyrtim raportin vjetor të Komisionit Regullator për Energjetikë të Maqedonisë për vitin 2016.

‘Qeveria bëri shqyrtimin e raportit për punën e Komisionit regullator për Energjetikë të RM-së për vitin 2016 dhe në bazë të mendimeve të përbashkëta të Ministrisë së ekonomisë, Ministrisë së financave dhe Sekretariatin për ligje, si në bashkëpunim me Kabinetin e zv.kryeministrit të Qeverisë së RM-së të angazhuar për çështje ekonomike dhe koordinim të resoreve ekonomike do të përgatisë vlerësimin e përgjithshëm të cilin do ta dorëzojë për procedurë në Kuvend’, thuhet nga Shërbimi për shtyp i Qeverisë.

Zv.kryeministri për çështje ekonomike ka informuar në lidhje me mbledhjen e mbajtur në Sekretariatin për bashkësi energjetike, në Vienë, më 9 gusht, dhe se Ligji për vendosjen e tarifës së lirë në furnizimin me energji elektrike duhe të vendoset në listën e ligjeve prioritare dhe se nuk ka pengesa që ky ligj të zbatohet në Maqedoni.

Në këtë mbledhje poashtu është diskutuar puna financiare e Ndërmarjes publike për rrugë shtetërore në periudhën janar-mars të këtij viti.

Me vendim të Qeverisë, NP duhet të caktojë organ mbikëqyrës dhe afate brenda të cilave do të bëhet mbikëqyrja e punëve të kryera nga kompanitë e ndërtimtarisë, përcjell Telegrafi Maqedoni. Gjithashtu u diskutua dhe u miratua edhe raporti financiar për NP HM Infrastruktura dhe raporti vjetor për vitin 2016 për SHA Posta e Maqedonisë – Shkup./Telegrafi/